कोपरगाव प्रतिनिधी
कोपरगाव तालुक्यातील जेऊरकुंभारी ग्रामपंचायतने पोलीस पाटील यांना स्वतंत्र कक्ष दिल्याने पोलीस पाटील गायकवाड यांच्यावतीने ग्रामपंचायत पदाधिकारी यांचा सत्कार करणयात आला.
जेऊरकुंभारी ग्रामपंचायतने गावाचा कारभार सुरळीत व पारदर्शकता यावी यासाठी पो.पा.बाळासाहेब गायकवाड यांना स्वतंत्र कक्ष देण्यात आला. त्याबद्दल दि. ३० ऑगस्ट रोजी ग्रामपंचायत कार्यालयात पो.पा. गायकवाड यांनी सरपंच सुवर्णा पवार, उपसरपंच ताराचंद लकारे, ग्रा.प.सदस्य जालिंदर चव्हाण, यशवंत आव्हाड, किशोर वक्ते, प्रदीप गायकवाड, अनिता वक्ते, अनिता गायकवाड, धनश्री वक्ते,वैशाली भोंगळे,गंगुबाई जाधव यांचा श्रीफळ व पुष्पहार देऊन सत्कार करण्यात आला.पो.पा. गायकवाड यांना जेऊरकुंभारी व डाऊच खुर्द या दोन्ही गावाचा कारभार पहावा लागतो तसेच गावची लोकसंख्या मोठी असल्यामुळे कामामध्ये सुसूत्रता यावी व त्यांना एका ठिकाणी स्थिर राहून गावातील नागरिकांच्या समस्येचे निराकरण करणे, गावातील वाद-गावातच मिटवणे, शालेय विद्यार्थ्यांना शैक्षणिक कागदपत्रे लवकरात लवकर उपलब्ध करून देणे या सर्व गोष्टीचा विचार करून पोलीस पाटील यांना स्वतंत्र कक्ष देण्यात आले आहे. ग्रामपंचायतने पोलीस पाटलास स्वतंत्र कक्ष देण्याचा हा जो ऐतिहासिक निर्णय घेतला त्याबद्दल ग्रामपंचायतचे सर्व स्तरांमधून कौतुक होत आहे.
या सत्कार प्रसंगी ग्रामस्थ बापुराव वक्ते, कल्याण गुरसळ ,महेंद्र वक्ते, किरण पाटीलबा वक्ते ,नानासाहेब गुरसळ ,संजय वक्ते,संदेश भोंगळे,सतीश पवार आदी ग्रामस्थ उपस्थित होते.
सुत्रसंचालन महेंद्र वक्ते यांनी केले व आभार ग्रामविकास अधिकारी केबी रणछोड यांनी मानले.
