कोपरगाव प्रतिनिधी
स्वातंत्र्याच्या अमृत महोत्सवानिमित्त संपूर्ण देशभर हर घर तिरंगा मोहीम राबविण्यात येत असून देशभर राष्ट्रप्रेमाला उधाण आले आहे. या मोहिमेत जिजाई बहुउद्देशीय शैक्षणिक संस्था चांदेकसारे देखील सहभागी झाली असून स्वातंत्र्याच्या अमृत महोत्सवानिमित्त तालुक्यातील ग्रामीण भागातील अग्रेसर व महाराष्ट्र शासन मान्यता प्राप्त असलेल्या जिजाई बहुउद्देशीय शैक्षणिक संस्थेच्या जोगेश्वरी इंटरनॅशनल स्कूल डाउच खुर्द या शाळेत देखील जिजाई बहुउद्देशीय शैक्षणिक संस्थेचे संस्थापक अध्यक्ष श्री भास्करराव होन व संस्थेचे सचिव श्री सुनिल भास्करराव होन यांच्या अध्यक्षतेखाली व शुभहस्ते मोठ्या उत्साहात ध्वजारोहण करण्यात आले.
देशाच्या अमृतमहोत्सवी स्वातंत्र्य दिनानिमित १३ ते १५ ऑगस्ट या कालावधीत देशाप्रती आदरभावना व्यक्त करण्यासाठी विविध उपक्रम राबविले जात आहे. प्रत्येक गाव आणि शहरातील प्रत्येक घरावर डौलाने फडकनाऱ्या तिरंग्यामुळे प्रत्येक देशवासीयांच्या हृदयात देशप्रेमाची ज्योत जागृत होवून संपूर्ण देश एकसंघ असल्याची प्रचिती येत आहे.
या प्रसंगी जिजाई बहुउद्देशीय शैक्षणिक संस्थेचे संस्थापक अध्यक्ष श्री भास्करराव होन यांनी अमृतमहोत्सवी स्वातंत्र्य दिनानिमित सर्व भारतीयांना शुभेच्छा देत आपल्या देशाची सर्वांगीण प्रगती साधण्यासाठी प्रत्येकाने समता व बंधुत्वाची जपणूक करावी असे आवाहन करत आजच्या विद्यार्थ्यांनी नवनवीन तंत्रज्ञानाचा अवलंब करत शासनाच्या विविध स्पर्धा परीक्षेत सहभागी होत सदैव उच्च ध्येय गाठण्यासाठी प्रयत्न करायला हवे.जेणेकरून ग्रामीण भागातील सामन्य कुटूंबातील विद्यार्थी देखील उच्च अधिकारी बनू शकेल.
यावेळी जोगेश्वरी इंटरनॅशनल स्कूल च्या इ ३ री च्या कु अहद साजिद शेख याने “तेरी मिट्टी में” व इयत्ता ४थी च्या विद्यार्थ्यांनी एे वतन एे वतन या देश भक्तीपर गाणे गायले व सर्वांची मने जिंकली.
या प्रसंगी शाळेचे उमर पठाण,आराध्या होन, धैर्यशील होन, कार्तिकी अनारसे, अभिमन्यू होन, विराट पवार, आेमकार शिंदे,प्रणाली पवार, ध्रुवी गुरसळ,गार्गी खरात, ओम दहे, श्लोक दहे, यांनी कविता व स्टोरी सादर केली तर कार्तिक घोटेकर व आराध्या पवार यांनी अनुक्रमे महात्मा गांधी व झाशीची राणी चे वेशभूषा करून देशभक्तीपर उपदेश दिला. त्याच बरोबर उज्ज्वल शिंदे,स्वरा होन, सायली होन, नंदन दहे, सार्थक होन, वेदांत होन,श्रावणी होन,सिद्धी जाधव,साई शिंदे आदी विद्यार्थ्यांनी आपल्या मनोगतातुन देशाविषयी इंग्लिश हिंदी मराठी भाषेत भावना व्यक्त करत उपस्थिताची मने जिंकली.
या कार्यक्रमास संस्थेच्या अध्यक्ष श्री भास्करराव होन, उपाध्यक्षा सौ अलकाताई होन,सचिव श्री सुनिल भास्करराव होन, व्यवस्थापकीय संचालक श्री सागर भास्करराव होन,स्कूल च्या प्राचार्या सौ ज्योती खरात,शालेय व्यवस्थापन समिती चे सर्व सदस्य,पालक ग्रामस्थ आदी उपस्थित होते. यावेळी स्कूल च्या प्राचार्या सौ खरात यांनी आपले मनोगत व्यक्त केले. सदर कार्यक्रमाचे प्रास्ताविक सौ स्वाती वक्ते मॅडम यांनी व्यक्त केले. सदर कार्यक्रम यशस्वीतेसाठी सौ कोमल आरगडे मॅडम, सौ श्रध्दा पवार मॅडम, सौ आरती तरटे मॅडम,आदीं शिक्षकेनी व श्री बाळासाहेब होन,श्री वाल्मिक होन,श्री शिवाजी जाधव, सौ नंदा गायकवाड,सौ मनिषा पगारे, या शिक्षकेत्तर कर्मचारी यांनी परिश्रम घेतले. सदर कार्यक्रमाचे सूत्रसंचालन सौ पल्लवी होन मॅडम यांनी केले. व आभार सौ आरगडे मॅडम यांनी मानले
