कोपरगाव प्रतिनिधी
आज १२ ऑगस्ट रोजी 75 वा स्वातंत्र्याचा अमृत महोत्सवानिमीत्त कोपरगाव शहर पोलीस स्टेशन येथे कोपरगाव शहरातील वेगवेगळया शाळेतील 75 मुले व मुली यांना पोलीस स्टेशनला बोलावुन स्वतंत्र व राष्ट्रध्वज या विषयावर राष्ट्रप्रेम चित्रकला स्पर्धा घेण्यात आली.तदनंतर शाळेतील मुले व मुली यांना स्वतंत्रप्राप्ती व राष्ट्रध्वज बाबत माहीती दिली. तसेच त्यांना पोस्टे आवार दाखवुन पोलीसांची कार्यपध्दती, मुलांविषयी होणारे सायबर होणे,वाहतुक नियम व मुलींना त्यांचे सुरक्षेविषयी मार्गदर्शन करुन खाऊ वाटप करण्यात आला आहे. नमुद स्पर्धेमधील विद्यार्थ्यांचे 15 ऑगस्ट रोजी प्रथम,व्दितीय,तृतीय व उत्तेजनार्थ तसेच इतर सहभागी सर्व विद्यार्थ्याना बक्षीस वितरणाचा कार्यक्रम आयोजीत आहे. तसेच 13/08/2022 रोजी पासुन ते दिनांक 17/08/2022 रोजी पावेतो 75 स्वातंत्र्याचा अमृत महोत्सव निमीत्ताने कोपरगाव शहर पोलीस स्टेशनच्या वतीने विविध कार्यक्रमांचे आयोजन करण्यात आलेले आहे. सदरची राष्ट्रप्रेम चित्रकला स्पर्धा हि मा.पोलीस अधिक्षक श्री.मनोज पाटील सो.अहमदनगर, मा.अपर पोलीस अधीक्षक श्रीमती स्वाती भोर मॅडम,श्रीरामपुर विभाग, मा.उपविभागीय पोलीस अधीकारी श्री.संजय सातव सो. शिर्डी विभाग शिर्डी यांचे मार्गदर्शनाखाली पोलीस निरीक्षक वासुदेव देसले यांनी आयोजीत केली होती. सदर स्पर्धाठिकाणी पो.उपनि.रोहीदास ठोंबरे,पोहेकॉ/तिकाणे,पोना/सचिन शेवाळे, पोकॉ/राम खारतोडे, पोकॉ/गणेश काकडे, मपोकॉ/प्रिती बनकर यांचेसह शिक्षक अतुल जनार्धन कोताडे, एस.डी.गोरे, रविंद्र कांबळे, सुशांत घोडके, शिक्षीका श्रीमती कावेरी वल्टे, अजुंम कय्युम खान असे उपस्थित होते.
