कोपरगाव प्रतिनिधी
कोपरगाव शहरात मोकाट फिरणारे प्राणी दिसत असून नगर पालिकेने अशा मोकाट प्राण्यांवर कर लावावा अशी मागणी लोक स्वराज्य आंदोलनाचे प्रदेश अध्यक्ष अँड.नितीन पोळ यांनी एका प्रसिद्धी पत्रकाद्वारे केली आहे
आपल्या पत्रकात पोळ पुढे म्हणाले की कोपरगाव शहरात मुख्य रस्त्यावर गाढव,गायी,कुत्रे आणि डुक्कर यांचा सतत वावर असून ही मोकाट जनावरे शहरातील नागरिकांच्या मालकीची आहेत मात्र ते नागरिक ही जनावरे शहरात मोकाट सोडून देतात बऱ्याच वेळी ही जनावरे रस्त्यावर जमावाने बसून असतात त्यामुळे वाहतुकीला अडथळा निर्माण होतो भटक्या कुत्र्यानी व डुकरांच्या दहशतीने अनेक लहान मुले व महिला वृद्ध यांना चावा घेतला आहे तर रस्त्यावर बसलेल्या गायी मुळे अनेक छोटे मोठे अपघात घडत असतात कोपरगाव शहरातील विविध सामाजिक कार्यकर्ते, नागरिक यांनी अनेकदा या मोकाट जनावरांचा बंदोबस्त करावा अशी मागणी केली आहे मात्र नगर पालिका प्रशासन या वर आजून तरी ठोस उपाय योजना करताना दिसत नाही नगर पालिकेने अनेकदा फक्त या मोकाट जनावरांना पकडण्यासाठी नावाला टेंडर काढले होते मात्र पुन्हा जैसे थे परिस्थिती राहत आहे अनेक नागरिक प्लास्टिक पिशवीत खाद्य पदार्थ व भाकरी या जनावरांना खाण्यासाठी टाकतात मात्र गायी या प्लास्टिक पिशव्या खातात व आजारी पडतात तसेच रस्त्यावर वळूच्या झुंजीत अनेकदा महिला, वृद्ध,व बालके यांना त्रास होतो
सद्या पावसाळ्याचे दिवस आहे साथी च्या आजाराचे प्रमाण वाढलेले आहे डुकरांच्या वावरमुळे स्वाईन फ्लू चा आजार होत असतो महाराष्ट्रात अनेक ठिकानी स्वाईन फ्लू चे रुग्ण संख्या वाढलेली आहे
त्या मुळे नगर पालिकेने मोकाट फिरणाऱ्या प्राण्यांचा त्वरित बंदोबस्त करावा तसेच या मोकाट जनावरांच्या मालकांना त्वरित नोटीस देऊन या मालकांना कर लावावा असे या पत्रकात म्हटले आहे.
