कोपरगाव प्रतिनिधी
कोपरगाव काँग्रेस तालुकाध्यक्ष आकाश नागरे यांनी कोपरगाव तालुक्यातील कार्यकारीणी जाहीर केली असून पुणतांबा शहराध्यक्षपदी विशाल सांभारे तर अनुसूचित जमाती काँग्रेस तालुकाध्यक्षपदी विजय मोरे यांची निवड करण्यात आली.
गेल्या अनेक दिवसांपासून पुणतांबा येथे काँग्रेस पक्षाची ताकदीने मोर्चेबांधणी सुरू आहे. यामध्ये प्रामुख्याने आदिवासी समाजाचे प्रश्न मार्गी लावण्यासाठी तालुकाध्यक्ष आकाश नागरे यांनी पाठपुरावा करून पन्नास पेक्षा अधिक कुटुंबांचे रेशन कार्ड व जातीच्या दाखल्यांचे प्रकरणं राहाता तहसील कार्यालयातून मार्गी लावले आहेत.
या निमत्ताने ग्रामस्थांनी आकाश नागरे यांचा नागरी सत्कार आयोजित केला होता. इतक्या मोठ्या प्रमाणावर शिधपत्रका वाटप करून नागरे यांनी अल्पकाळात आपल्या कामाचा ठसा उमटविला आहे. पुणतांबा येथील नागरिकांनी त्यांचे आभार मानत दिलेला शब्द पाळला ह्या बाबत समाधान व्यक्त केले.
तालुकाध्यक्ष आकाश नागरे यांनी मा. महसूल मंत्री ना. बाळासाहेब थोरात यांचे आभार मानले आणि काँग्रेस पक्षाच्या माध्यमातून आपण सतत जनतेच्या अडचणी मार्गी लावण्यासाठी प्रयत्नशील असणार असे आश्वासन दिले.
