कोपरगाव प्रतिनिधी
गिरमेवस्ती शाळेतील उपाध्यापक सुदाम साळुंके सर यांनी शाळेतील मुलांना अनोख्या क्षेत्र भेटीचा अनुभव दिला. मुलांना गिरमेवस्ती, संजयनगर परिसरातील धार्मिक ठिकाणे व गृह उद्योगांची माहिती दिली. मुलांनी परिसरातील मंदिरातील शंभो महादेव व श्रीगणेशाचे दर्शन घेतले.
नागपंचमी निमित्त वस्तीतील घरापुढे बांधलेल्या झोक्याचा अनुभव घेऊन मुलांनी नागपंचमीचा आनंद लुटला . त्यानंतर मुलांनी पिठाची गिरणी व्यावसायिक यांची भेट घेतली. मुलांनी मुलाखतीमध्ये अनेक प्रश्न विचारून व्यवसायाची माहिती जाणून घेतली. तसेच आपल्याला व्यवसायाबद्दल माहिती दिल्याबद्दल मुलांनी आभार मानले.
त्यानंतर संजयनगरमधील साईसमर्थ पैठणी उत्पादक व प्रशिक्षण केंद्राला भेट दिली. साईसमर्थ पैठणीचे मालक शेखर पवार व त्यांच्या सौभाग्यवती अर्चना पवार व घरातील कुटुंबीयांनी मुलांना पैठणी निर्मिती प्रक्रियेची संपूर्ण माहिती प्रात्यक्षिकासह दिली. तसेच पैठणी निर्मितीसाठी लागणाऱ्या साहित्याची संपूर्ण माहिती दिली. मुलांनी अनेक प्रश्न विचारून पैठणी उत्पादनाची माहिती जाणून घेतली. सुदाम साळुंके सर यांनी संपूर्ण कुटूंबीयांचे आभार मानले. तसेच शाळेच्या मुख्याध्यापिका श्रीमती प्रियंका जोशी व उपाध्यापक अनुजकुमार ढुमणे सर यांनी मुलांना माहिती दिली.
आजच्या सहल प्रवासात जेऊर कुंभारी गावचे पोलिस पाटील
बाबासाहेब गायकवाड , सरपंच सुवर्ण पवार,
माजी उपसरपंच जालिंदर चव्हाण, शा.व्य .समिती सदस्य व संजीवनी सहकारी कारखान्याचे संचालक बाळासाहेब वक्ते, संचालक सतिश आव्हाड,
प्रगतशील शेतकरी सोपान वक्ते, प्रा.मधुकर वक्ते सर, पालक सुनिल गायकवाड , श्रीम. सुलोचनाआजी वक्ते व पालक व ग्रामस्थ यांनी मुलांना प्रश्न विचारून सहलीबाबत माहिती जाणून घेतली.
सर्वच मुलांनी क्षेत्र भेटीत शिस्तीचे पालन केले. परतीच्या प्रवासात मुले आगळ्या वेगळ्या क्षेत्र भेटीचा अनुभव एकमेकांना सांगत होते. मुलांच्या चेहर्यावरील भाव पाहून जवळ जवळ ४ कि.मी. पायी प्रवास करूनही मुलांना अजिबातही थकवा जाणवला नाही.
