कोपरगाव प्रतिनिधी
निफाड तालुक्यातील नंदुर मधमेश्वर येथील सोमनाथ कारभारी कहने यांनी तब्बल एक लाख बत्तीस हजार रुपयांची कारवड विकत घेतली असून या कारवाडीची ढोल ताशाच्या गजरात फटाक्याच्या आतषबाजी करत मोठ्या जल्लोषात मिरवणूक काढण्यात आली.
यावेळी माजी चांदेकसारे गावचे सरपंच केशवराव होन, डॉ. रोकडे, धर्म जयंद्रथ होन, देविदास होन,
आण्णासाहेब होन,शरद होन,दादासाहेब होन,
सुभाष लांडगे,सौरभ रोकडे, बाळासाहेब लांडगे साहेबराव लांडगे सौरभ रोकडे आदी सह ग्रामस्थ मोठ्या संख्येने उपस्थित.या कारवडीची आई मेल्यानंतर एक दिवस ची कारवाड दुसऱ्या गाईचे दूध पाजवून तिचा संभाळ करण्यात आला चांगल्या शेतकऱ्यांनी ही गाय विकत घेतल्याने आनंद होत असल्याची प्रतिक्रिया माजी सरपंच केशवराव होन यांनी व्यक्त करत कोपरगाव तालुक्यात आतापर्यंत एक लाख बत्तीस हजार रुपये इतकी गाय खरेदी-विक्री झाली नाही तो विक्रम चांदेकसारे गावात झालेला आहे त्यामुळे ग्रामीण भागातील तरुणांनी शेतीला जोड धंदा म्हणून इतर व्यवसायाकडे वळवावे असे सांगितले तसेच गाईचे संगोपन करणारे सोमनाथ कारभारी कहाने यांचा आदर्श इतर शेतकऱ्यांनी घ्यावा असे आवाहन केशवराव होन यांनी केले आहे.
