कोपरगाव प्रतिनिधी
कोपरगाव तालुक्यातील डाऊच खुर्द गावात शनिवारी रात्री डाऊच बधांऱ्याजवळील शेतकऱ्यांची दोन विद्युत रोहित्र फोडण्यात आले.
सविस्तर वृत्त असे की, सध्या शेतकऱ्यांच्या शेतीमध्ये सोयबीन, कपाशी, मका ही पिके उभी असुन गेल्या आठवड्या भरापासूम पावसाने पूर्णपणे उघड दिल्याने पिक पाण्यावर आली असून शेतकरी आपल्या तळ गाठलेल्या विहिरीतून पिकांना पाणी देत जगवण्याचा प्रयत्न करत आहे पण चोरट्यांनी विद्युत रोहित्रारच डल्ला मारल्याने शेतकऱ्याच्या मोटारी बंद झाल्याने शेतकऱ्यां समोर अनेक प्रश्न निर्माण झाला आहे.
डाऊच खुर्द परिसरातील राधाजी काशिनाथ गुरसळ, ज्ञानेश्वर दत्तात्रय गुरसळ यांच्या शेतातील २५ हॉर्स पावर असलेले दोन डीपी रात्री चोरट्यांनी फोडून
५०ते ६० हजाराचा मुद्देमाल चोरून नेल्याची घटना घडली आहे. या संदर्भात डाऊच खुर्द गावाचे सरपंच गुरसळ यांनी याबाबत कोपरगाव शहर पोलीस स्टेशन, महावितरण कंपनीचे अधीकारी शेलार यांना ही माहिती देत डाऊच खुर्द, चांदेकसारे, जेऊर कुंभारी भागात विद्युत मोटारी स्टँटर केबल शेतकऱ्यांचे पाईप आदी चोरीचे सत्र सुरू असुन पोलिसानी या चोराचा वेळीच बंदोबस्त करात शेतकऱ्यांचे नुकसान टाळावे अशी मागणी केली आहे.
