कोपरगाव प्रतिनिधी
राज्याचे माजी उर्जामंत्री चंद्रशेखर बावनकुळे यांनी गुरूवारी संजीवनी उद्योग समुहास भेट देवुन सर्व बिनविरोध निवडलेल्या संचालकांचे अभिनंदन केले. सहकारात स्व. शंकरराव कोल्हे यांनी केलेले कार्य अनेक छोटया मोठया कार्यकर्त्यांना सतत उर्जा देत राहील असे आदरांजली वाहतांना ते म्हणाले.नवनिर्वाचित अध्यक्ष विवेकभैय्या कोल्हे यांनी माजी उर्जामंत्री चंद्रशेखर बावनकुळे, साईबाबा संस्थानचे माजी उपाध्यक्ष चंद्रशेखर कदम, भाजपचे शिर्डी लोकसभा मतदार संघाचे निरीक्षक सुनील कर्जतकर, साई संस्थानचे माजी विश्वस्त सचिन तांबे यांचा सत्कार केला. संजीवनी उद्योग समुहाचे अध्यक्ष बिपीनदादा कोल्हे, भाजपाच्या प्रदेश सचिव स्नेहलता कोल्हे यांनी कोपरगाव मतदार संघासाठी २२० क्षमतेचे वीज उपकेंद्र, यासह प्रलंबित उर्जाविषयक समस्या सोडवितांना माजीमंत्री चंद्रशेखर बावनकुळे यांनी मोलाची भूमिका बजावत कोटयावधी रूपयांची जनहिताची कामे केली असल्याचे सुतोवाच केले. जिल्हा बॅकेचे संचालक विवेकभैय्या कोल्हे यांनी सहकार महर्षी शंकरराव कोल्हे साखर कारखान्याने देशात प्रथमच ज्यूस टू इथेनॉल प्रकल्प कार्यान्वित करून यंदाच्या हंगामात उसाचे विक्रमी ऐतिहासिक गाळप केले असून औषधी पॅरासिटामोल प्रकल्प उभारणी सुरू असल्याचे सांगितले. माजीमंत्री चंद्रशेखर बावनकुळे यांनी सहकारमहर्षी शंकरराव कोल्हे साखर कारखान्याची निवडणुक ऐतिहासिक बिनविरोध झाल्याबददल नवनिर्वाचित अध्यक्ष विवेकभैय्या कोल्हे यांचे अभिनंदन करून अध्यक्षासह सर्व नवनिर्वाचक संचालकांचा सत्कार केला. याप्रसंगी उपाध्यक्ष रमेश घोडेराव, संचालक सर्वश्री. ज्ञानेश्वर भगवंत परजणे, विश्वासराव नारायणराव महाले, बापूसाहेब संपतराव बारहाते, निलेश पथाजी देवकर, बाळासाहेब चंद्रभान वक्ते, रमेश रंगनाथ आभाळे, ज्ञानदेव पाराजी औताडे, आप्पासाहेब रभाजी दवंगे, राजेंद्र निवृत्ती कोळपे, ज्ञानेश्वर चिलीया होन, मनेष दिनकर गाडे, विलास एकनाथ वाबळे, विलास तुळशीराम माळी, त्रंबकराव निवृत्ती सरोदे, सौ उषा संजय औताडे, सौ. सोनिया बाळासाहेब पानगव्हाणे, निवृत्ती कारभारी बनकर, सतिष सुभाषराव आव्हाड यांच्यासह कार्यकारी संचालक बाजीराव जी. सुतार, चीफ केमिस्ट विवेककुमार शुक्ला, चीफ इंजिनियर के. के. शाक्य, साखर सर व्यवस्थापक शिवाजीराव दिवटे, ऍडमिनिस्ट्रेटिव्ह मॅनेजर प्रकाश डुंबरे, एच. आर. मॅनेजर प्रदीप गुरव, विविध संस्थांचे आजी माजी पदाधिकारी, खाते प्रमुख, उपस्थित होते. शेवटी उपाध्यक्ष रमेश घोडेराव यांनी आभार मानले.
राज्याचे माजी उर्जामंत्री चंद्रशेखर बावनकुळे यांनी गुरूवारी संजीवनी उद्योग समुहास भेट दिली त्याबद्दल त्यांचा नवनिर्वाचित अध्यक्ष विवेकभैय्या कोल्हे यांनी सत्कार केला, यावेळी संजीवनी उद्योग समूहाचे अध्यक्ष बिपिनदादा कोल्हे, भाजपच्या प्रदेशा सचिव स्नेहलता कोल्हे आदी उपस्थित होते.
