कोपरगाव प्रतिनिधी
कोपरगाव तालुक्यातील चांदेकसारे गावात सोमवारी रात्री एकाने आपल्या राहात्या घरात फाशी घेतल्याची घटना घडली असुन या घटनेची माहिती मिळताच पोलीस निरीक्षक दौलतराव जाधव यांच्या मार्गदर्शनाखाली कोपरगाव तालुका ग्रामीण पोलीस स्टेशनचे पथक घटनास्थळी दाखल झाले आहे
याबाबतचे हाती आलेले वृत असे की समाज मंदिर परिसरात राहत असलेले सुधाकर रामजी खांडीझोड (वय 55 वर्षे) यांनी घराच्या छताला दोरीच्या साह्याने फाशी घेतली.रात्री ही घटना कधी घेतली याचा सुगावा मात्र कुणालाही नाही दुसऱ्या दिवशी सकाळी दिपक प्रभाकर खंडीझोड यांच्या ही घटना लक्षात आल्यानंतर त्यांनी आजुबाजुच्या नागरिकांच्या कानावर ही गोष्ट घातली तात्काळ घटनेची माहिती पोलीस पाटील मीराताई रोकडे यांना मिळताच त्या घटनास्थळी दाखल झाल्या व डॉ गोरक्षनाथ रोकडे यांनी कोपरगाव तालुका पोलीस स्टेशनला याबाबत घटनेची माहिती दिली व पोलीस निरीक्षक दौलतराव जाधव यांच्या मार्गदर्शनाखाली पोलीस उपनिरीक्षक कुसारे व पोलीस पथक घटनास्थळी दाखल झाले.
लगेचच रुग्णवाहिका घेऊन खंडीझोड यांचे पार्थिव कोपरगाव ग्रामीण रुग्णालयात शवविच्छेदन करण्यासाठी घेऊन जाण्यासाठी आले. खंडीझोड यांच्या पश्चात पत्नी, एक मुलगी असा परिवार आहे. फाशी घेतली त्यावेळी खंडीझोड हे एकटेच घरात असल्याची माहिती समजते. पुढील तपास पोलिस निरीक्षक दौलतराव जाधव यांच्या मार्गदर्शनाखाली कुसारे करीत आहेत.
