कोपरगाव प्रतिनिधी
नाशिक पदवीधर मतदार संघाचे आमदार डॉ. सुधीर तांबे कोपरगाव दौऱ्यावर असताना त्यांनी दि. ११ जुलै रोजी जेऊर कुंभारी येथील हॅरिसन ब्रँच जि. प.शाळेला सदिच्छा भेट दिली.
सदर भेटीमध्ये त्यांच्या हस्ते वृक्षारोपण करण्यात आले या वेळी त्यांनी संपूर्ण इमारतीची पाहणी करून शाळेची माहिती घेतली. शिक्षणमहर्षी स्व. लहानुभाऊ नागरे यांनी १९६१ मध्ये सरपंच असताना या शाळेच्या निर्मितीसाठी अर्धा एकर जमीन दान केली होती.
माजी मंत्री बाळासाहेब भारदे व माजी मंत्री बाळासाहेब देसाई यांच्या हस्ते शाळेची पायाभरणी व १९६५ मध्ये उद्घाटन करण्यात आले होते.
आज या ऐतिहासिक वास्तुस भेट देऊन आमदार डॉ. तांबे यांनी शाळेच्या विकासासाठी संपूर्ण मदत करण्याची ग्वाही दिली.
या प्रसंगी कोपरगाव तालुका काँग्रेस कमिटीचे अध्यक्ष आकाश भाऊ नागरे, ग्रामपंचायत सदस्य यशवंतजी आव्हाड, रेन्बो इंटरनॅशनल स्कूलचे प्राचार्य सुरेश शिंदे सर, जि,प,शाळेचे मुख्याध्यापक नवनाथ सूर्यवंशी सह व इतर मान्यवर उपस्थित होते.
