कोपरगाव प्रतिनिधी
दि २५ जुन २०२२- वर्ल्ड कॉन्स्टिट्यूशन अँड पार्लमेंट असोसिएशन यांच्या मार्फत ओम साई ग्रामीण शिक्षण संस्थेचे संस्थापक अध्यक्ष परशराम साबळे यांना त्यांच्या शैक्षणिक क्षेत्रातील उल्लेखनीय कार्याबद्दल वर्ल्ड पार्लमेंट इंटरनॅशनल अवॉर्ड -२०२२ या पुरस्काराने नुकतेच सन्मानित करण्यात आले आहे.
नेहमीच सामाजिक कार्यात अग्रेसर असणारे परशराम साबळे यांनी अत्यंत हलाखीच्या परिस्थितीत २००५ झाली कोपरगाव येथे ओम साई ग्रामीण शिक्षण संस्थेची स्थापना करत महाराष्ट्र राज्य कौशल्य विकासमंडळ या विभागाची परवानगी घेत बाळासाहेब सातभाई कौशल्य विकास संस्था या कॉलेजची स्थापना करत समाजातील शेतकरी व शेतमजुरांच्या कुटुंबातील मुला-मुलींच्या उज्ज्वल भविष्याचा विचार करत कमी कालावधीत शासकीय- निमशासकीय अथवा स्वतःचा व्यवसाय सुरू करता येईल असे हॉटेल मॅनेजमेंट व कन्स्ट्रक्शन सुपरवायझर हे अभ्यासक्रम सुरू करत आज हजारो विद्यार्थी आपले शिक्षण पूर्ण करत आपल्या पायावर भक्कमपणे उभे आहेत. हॉटेल मॅनेजमेंट या कोर्सेचे अनेक विद्यार्थी भारतातील अनेक मोठ-मोठ्या शहरातील विविध पंचतारांकित हॉटेलमध्ये कार्यरत आहे तर काही विद्यार्थी जपान, सिंगापूर, मलेशिया, दुबई, सौदी अरेबिया आदी देशातील मोठ-मोठ्या हॉटेलमध्ये नोकरी करून आले आहे. तसेच कन्ट्रक्शन सुपरवायझर या अभ्यासक्रमाच्या अनेक विद्यार्थ्यांनी स्वतःचा बांधकाम ठेकेदाराचा परवाना काढत स्वतःचा बांधकाम व्यवसाय सुरू केला आहे.
तसेच साबळे यांनी ग्रामीण भागातील कुटुंबातील मुलां-मुलींना इंग्रजी भाषेचे ज्ञान अवगत व्हावे या उद्देशाने तालुक्यातील पूर्व भागातील कासली येथे सन २०१० साली शासनाची मान्यता घेत साई शक्ती इंग्लिश मीडियम स्कूल ही इंग्रजी माध्यमाची शाळा सुरू केली. तर २०११ साली पुणे परीक्षा मंडळाची मान्यता घेर कमलाताई बाळासाहेब सातभाई तांत्रिक जुनिअर कॉलेज ची स्थापना करत ग्रामीण भागातील विद्यार्थ्यांना ११ वी १२ वी सोबतच व्यवसाय शिक्षणाची संधी उपलब्ध करून दिली. तसेच अर्धवट शिक्षण सोडलेल्याना आपले अपूर्ण शिक्षण पूर्ण करण्याची संधी मिळावी या उद्देशाने राज्य मंडळाने स्थापन केलेल्या मुक्त विद्यालयाची सन २०१९ मध्ये परवानगी घेत अर्धवट शिक्षण सोडलेल्याना किंवा संपूर्ण निरक्षरांना पुन्हा एकदा शिक्षणाच्या प्रवाहात येण्याची संधी उपलब्ध करून दिली आहे. त्यासोबतच भारत सरकारचे स्किल इंडिया विभागाची परवानगी घेत विविध व्यवसायिक छोटे मोठे कोर्सेस सुरू केले आहे.
साबळे यांच्या शैक्षणिक क्षेत्रातील उल्लेखनीय कार्याची दखल घेत राष्ट्रीय लोककलावंत सांस्कृतिक मंच मुंबई,सरपंच सेवा संघ महाराष्ट्र राज्य, आतंरराष्ट्रीय मानधिकार न्यायिक परिषद,……..आदी संस्थेनी सन्मानित केले आहे तसेच
आंतरराष्ट्रीय मानवाधिकार मिशन
या संस्थेने विश्वशांतीदूत म्हणून साबळे यांची नियुक्ती केली आहे. याच कार्याची दखल घेत वर्ल्ड पार्लमेंटचे अध्यक्ष ग्लेन मार्टिन व उपाध्यक्ष प्रा नरसीम्हां मूर्ती यांच्या मार्गदर्शनाखाली श्रीरामपूर येथे शनिवार दि २५ जून रोजी अभिनव खान्देशचे संस्थापक संपादक प्रभाकर सुर्यवंशी यांच्या अध्यक्षतेखाली झालेल्या कार्यक्रमात पुणे मावळ येथील सामाजिक कार्यकर्ते तानाजी मराठे, सावंत आदी सह प्रमुख मान्यवरांच्या शुभहस्ते वर्ल्ड पार्लमेंट इंटरनॅशनल अवार्ड-२०२२ या पुरस्काराने गौरवण्यात आले.
या प्रसंगी श्रीरामपूर येथील रावबहादूर नारायणराव बोरावके महाविद्यालयाचे प्राचार्य नानासाहेब गायकवाड, उपप्राचार्य जगदाळे,वर्ल्ड पार्लमेंट या संस्थेचे महाराष्ट्र चाप्टर वर्किंग कमिटीचे अध्यक्ष डॉ. दत्ता विघावे, सचिव बाबासाहेब वाकचौरे, सहसचिव ऋषिकेश विघावे, कोषाध्यक्ष चिंतामण भोसले, प्रसिद्धीप्रमुख अमोल राखपसरे यांच्यासह संस्थेचे सर्व पदाधिकारी व मान्यवर मोठ्या संख्येने उपस्थित होते.सदर कार्यक्रमाचे सूत्रसंचालन प्रसन्न कुमार धुमाळ यांनी तर आभार अक्षय तेल्लोरे यांनी व्यक्त केले.
