कोपरगाव प्रतिनिधी
मनमाड येथून पंढरपूरकडे प्रस्थान करणाऱ्या पायी दिंडीचे सोनेवाडी या गावात मोठ्या उत्साहात स्वागत करण्यात आले. ह.भ.प.पाराजी महाराज गुजरखेडे, ह.भ.प.शिवाजी महाराज बारबळ यांच्या मार्गदर्शनाखाली
गेल्या पस्तीस वर्षांपासून ही दिंडी मडमाड ते पंढरपूर पायी वारी करीत आहे. पंढरीची वाट न चुकता निघत असतांना या दिंडीमध्ये महिला व पुरुष यांचा मोठ्या प्रमाणावर समावेश असतो. ही दिंडी राष्ट्रवादी तालुका संघटक बापुराव दगुराव जावळे यांच्या घरी न चुकता येत असते. या दिंडीचे सोनेवाडी गावात रस्त्यावर बाजूने रांगोळी काढण्यात आली. दिंडीत टाळकरी माळकरी तसेच स्त्री व पुरुष मोठ्या संख्येने सामील झाले होते. बापुराव जावळे यांच्या घरी दिंडीस नाष्टा देण्यात आला.याप्रसंगी भजनाचा कार्यक्रम झाला. त्यामुळे सर्वांचे मन भारावून गेले होते. या दिंडीचे स्वागत करण्यासाठी बापुराव जावळे, श्रीकांत जावळे, राजाराम जावळे, गीताराम जावळे, सुशांत जावळे, अभिजीत जावळे ,आदी सह ग्रामस्थ मोठ्या संख्येने उपस्थित होते.
