कोपरगाव प्रतिनिधी
शिक्षण महर्षी लहानुभाऊ नागरे उर्फ अण्णा स्थापित रेन्बो इंटरनॅशनल स्कूलमध्ये दि . २१ जून २०२२ रोजी आंतरराष्ट्रीय योग दिवस आनंदमय वातावरणात साजरा करण्यात आला . या दिनानिमित्त योगगुरू ओमकार कोळपकर सर व महेश थोरात यांची मुख्य अतिथी म्हणून उपस्थिती लाभली. यासह विश्वभारती रुरल एज्युकेशन संस्थेचे सचिव मा .संजयजी नागरे सर , विश्वस्त आनंदजी दगडे यांनीही आंतरराष्ट्रीय योगदिना निमित्त शाळेस भेट दिली.
सदर कालावधीत योगगुरू ओमकार कोळपकर व महेश थोरात यांनी योगासनांची प्रात्यक्षिके सादर करून विद्यार्थ्यांकडूनही योगासने व प्राणायाम करून घेतली . विद्यार्थीही अतिशय आनंदाने व उत्साहाने योग दिन कार्यक्रमात सहभागी झाले होते . संस्थेचे सचिव मा. संजयजी नागरे सरांनी विद्यार्थ्यांना आतंरराष्ट्रीय योग दिनाच्या शुभेच्छा देत कौतुक केले . कु . दिक्षा गंगवाल, चि.नैतिक निकुंभ व शुभा उपाध्ये यांनी आंतरराष्ट्रीय योग दिनानिमित्त भाषणे सादर केली . सदर कार्यक्रम यशस्वी होण्यासाठी कलाशिक्षक दत्ता डोखे, क्रिडा शिक्षक शिवदास गोसावी , रूपाली टेके यांच्यासह वसतिगृह विद्यार्थी व सर्व शिक्षक ,शिक्षकेत्तर कर्मचारी यांनी विशेष कष्ट घेतले .नंदिनी वक्ते यांनी सदर कार्यक्रमाचे सुत्रसंचालन केले . प्राचार्य- सुरेश शिंदे सरांनी दैनंदिन जीवनात योगा, प्राणायाम करण्याचे फायदे सांगुन उपस्थितांचे आभार मानले . संस्थेचे अध्यक्ष मा . कांतीलालजी आग्रवाल , कार्यकारी संचालक आकाशजी नागरे
विश्वस्त – मनोजजी आग्रवाल, वनिताताई नागरे यांसह उपप्राचार्य – प्रशांत भास्कर, प्रविण कदम , सोमनाथ सोनवणे यांनी सदर कार्यक्रमाचे कौतुक करत आंतरराष्ट्रीय योग दिनाच्या शुभेच्छा दिल्या .
