कोपरगाव प्रतिनिधी
नवीन शैक्षणिक वर्षात पहिल्याच दिवशी जिल्हा परिषद प्राथमिक शाळा जेऊर कुंभारी गावठाण येथे नवीन २ गणवेश संच व नवीन पाठयपुस्तकांचे माजी उपसरपंच जालिंदर चव्हाण, समाजीक कार्यकर्ते बापुराव वक्ते, महेंद्र वक्ते,शाळा व्यवस्थापन समिती सदस्य शिवजी वक्ते यांच्या हस्ते लाभार्थी विद्यार्थ्यांना वाटप करण्यात आले.
याप्रसंगी विदयार्थ्यांना मार्गदर्शन करताना माजी उपसरपंच जालिंदर चव्हाण म्हणाले की, जि .प. शाळा हे सुजाण नागरिक घडविण्याचे विदयामंदिर आहे. विद्यार्थ्यांनी अभ्यासाची कास धरुन आपले भविष्य उज्वल करावे असे मनोगत माजी उपसरपंच जालिंदर चव्हाण यांनी व्यक्त केले,तसेच विद्यार्थींना
पुष्पगुच्छ व खाऊ देऊन स्वागत करण्यात आले व त्यांना पुढील वाटचालीसाठी शुभेच्छा दिल्या.
कार्यक्रमाचे सुत्रसंचलन पर्वत मॅडम यांनी केले व आभार शाळेचे मुख्याध्यापक श्रीकांत साळवे यांनी मानले.
