कोपरगाव प्रतिनिधी
हॅरिसन ब्रँच शाळेत छत्रपती शिवाजी महाराजांची ३९२ वी जयंती उत्साहात साजरी करण्यात आली.यावेळी विद्यार्थ्यांनी केलेल्या कलाकृतीचे प्रदर्शन भरविण्यात आले होते. प्रणव शाम पवार याने बनविलेला किल्ला सर्वांचे लक्ष वेधून घेत होता.
तसेच शिवाजी महाराजांच्या वेशभूषेत प्रणव पवार, जिजाऊ माँ साहेबांच्या वेशभूषेत पूनम मोरे व संभाजी राजांच्या वेशभूषेत गौरव पवार कार्यक्रमाची शोभा वाढवून वातावरण शिवमय झाले होते.कार्यक्रमाच्या सुरुवातीला शिवाजी महाराजांच्या प्रतिमेला पुष्पहार अर्पण करुन शिवाजी महाराजांचे अलौकिक शौर्य, बुद्धीचातुर्य,धार्मिक सहिष्णुतावर्धक, दूरदृष्टीचा सेनानायक,रयतेचा वाली,कुशल राज्यसंघटक,संस्कारक्षम राजमाता जिजाऊचा संस्कार सार्थकी सुपुत्र आणि बहुजन स्वराज्य संस्थापक छत्रपती शिवाजी महाराज म्हणजे मानवी इतिहासातील एक सुवर्ण महानायक ! तसेच शिवाजी महाराजांच्या कर्तृत्वाचा इतिहास शाळेचे मुख्याध्यापक नवनाथ सुर्यवंशी यांनी मुलांना सांगितला.
शाळेतील सहशिक्षिका मनिषा शिंपी यांनी विद्यार्थ्यांना शिवारायांच्या गड, किल्ल्याविषयी माहिती दिली.तसेच स्वराज्यातील रयतेची काळजी घेऊन लोककल्याणकारी कार्य करणाऱ्या शिवाजी राजाने वृक्ष संवर्धन,जलव्यवस्थापनाची कामे उत्कृष्ट पणे त्याकाळी हाती घेतली होती.आता आपणही वृक्ष लागवडीचे व पाण्याचे महत्व ध्यानात घेऊन नैसर्गिक साधनसंपत्तीचे जतन केले पाहीजे.असा मोलाचा संदेश शाळेतील शिक्षिका मनिषा शिंपी यांनी दिला.सदर कार्यक्रमास शाम पवार,रंजना दळवी, शाळेतील विद्यार्थी उपस्थित होते. कार्यक्रमाच्या शेवटी शाळेतील शिक्षकांनी विद्यार्थ्यांना खाऊचे वाटप केले.
कार्यक्रमाचे सुत्रसंचालन नवनाथ सुर्यवंशी व आभार मनिषा शिंपी यांनी मानले.
