शिवजयंती निमित्त राज्यस्तरीय आॕनलाईन शिवकाव्य संमेलनाचे आयोजन!!

 कोपरगाव प्रतिनिधी

दि .१९ I२ I२०२२ रोजी शिवजयंती निमित्त शिवाजी महाराजांवर आधारीत स्वलिखित राज्यस्तरीय शिवकाव्य संमेलनाचे ऑनलाईन आयोजन शैक्षणिक दीपस्तंभचे संस्थापक सुदाम साळुंके यांचे मार्गदर्शनाखाली करण्यात आले . महाराष्ट्राच्या कानाकोपऱ्यातून ५२ कवी कवयित्रींनी सहभाग घेतला.
कार्यक्रमाचे सूत्रसंचालन व अध्यक्ष निवड करुणा गावंडे यांनी केले व अनुमोदन महानंदा चव्हाण यांनी दिले.
सर्वप्रथम दीपप्रज्वलन व शिवपूजन शैक्षणिक दीपस्तंभचे संस्थापक सुदाम साळूंके परिवार , कार्यकारी संपादक नवनाथ सुर्यवंशी , ज्ञानेश्वर सैंदाने व मान्यवरांच्या उपस्थितीत झाले.
या कार्यक्रमाच्या अध्यक्षस्थानी शिवश्री लक्ष्मण काटेकर  शिवव्याख्याते सोलापूर तर
प्रमुख पाहुणे  सुर्यकांत बाच्छे , विस्ताराधिकारी नांदेड व बाळासाहेब शिंगोटे शिवव्याख्याते – अहमदनगर हे होते . प्रमुख पाहुण्यांचे स्वागत व सन्मान करुणा गावंडे यांनी केला .
कार्यक्रमाचे प्रास्ताविक संपादिका रुपालीताई गोजवडकर यांनी केले. त्यांनी आपल्या प्रास्ताविकामधून शैक्षणिक दीपस्तंभच्या आजपर्यंतच्या कार्याचा आढावा घेतला. कार्यक्रमाचे अध्यक्ष शिवश्री लक्ष्मण काटेकर यांनी आपले मनोगत व्यक्त करतांना शिवरांचे अभ्यासपूर्ण लेखन व्हावे  तसेच मासाहेब, शहाजीराजे, संभाजी राजे व शिवाजी महाराजांसोबत काम करणाऱ्या सर्वांचे कार्य प्रकाशात यावे असेआवाहन केले. प्रमुख पाहुणे विस्तार अधिकारी सूर्यकांत बाच्छे साहेब नांदेड यांनी शिवचरित्राच्या उजळणी बरोबरोबरच केवळ दैवतीकरण न करता शिवरायांचे गुण आपण अंगिकारले पाहिजे असे मत व्यक्त करून शिवजयंती निमित शिवकाव्यात सहभागी झालेल्या सर्व कविंचे कौतुक केले. प्रमुख पाहुणे शिवव्याख्याते बाळासाहेब शिंगोटे यांनी शिवरायांच्या कार्याची महती सांगितली . सर्वच प्रमुख अतिथींनी शैक्षणिक दीपस्तंभच्या कार्याचे व नियोजनाचे कौतुक केले. 
सहभागी कवयित्री मधून मनोगत रुपाली खेडकर तर संपादकीय मनोगत ज्ञानेश्वर सैंदाने, रेखा शिंदे व कविता पुदाले यांनी केले . ऑनलाईन काव्यसंमेलन कार्यक्रम सलग पाच तास चालू होता . सहभागी कवींनी शिवाजी महाराजांच्या पारंपारिक वेशभूषेत पोवाडा , कविता , पाळणा यांचे सादरीकरण केले . महाराष्ट्रातून अनेक सुप्रसिध्द कवी, कवयित्रींनी उत्साहात सहभाग घेतला .
हे कविसंमेलन चार सत्रात चालले. चार सत्रासाठीकरुणा गावंडे , जया कुलथे , वर्षा सांगवीकर , रूपाली गोजवडकर यांनी अतिशय सुंदर  सूत्रसंचालन केले तर परीक्षक म्हणून ज्ञानेश्वर सैंदाने, युवराज भाईक, उमेश वानखेडे , सूर्यकांत बोईनवाड सर यांनी काम पाहिले. परीक्षकांचा परिचय रेखा शिंदे यांनी दिला. कार्यकमाचे अप्रतिम नियोजन संस्थापक सुदाम साळूंके यांनी केले तर ऑनलाईन कार्यक्रमाचे तंत्रसहाय्य व सर्वांचे आभार   शैक्षणिक दीपस्तंभचे कार्यकारी संपादक नवनाथ सुर्यवंशी यांनी केले.