कोपरगाव प्रतिनिधी
कोपरगाव शहरात १९३४साली परिसरातील गोर-गरीब कुटुंबातील मुलांना उच्च दर्जाचे शिक्षण मिळावे या उद्देशाने स्थापन झालेल्या श्रीमान गोकुळचंदजी विद्यालयाचे कार्य सर्व क्षेत्रात अतिशय उत्तम असल्याचे प्रतिपादन प्रसिध्द मराठी सिनेअभिनेता चिन्मय उदगिरकर यांनी केले.नुकतीच त्यांनी विद्यालयास सदिच्छा भेट दिली या प्रसंगी बोलतांना त्यांनी वरील विचार व्यक्त केले.
या प्रसंगी नमामी गोदा नाशिक चे राजेश पंडित, मराठी चित्रपट दिग्दर्शक सुहास भोसले, पंचायत समितीचे गटविकास अधिकारी सचिन सूर्यवंशी, गोदामाई प्रतिष्ठानचे आदिनाथ ढाकणे,कोपरगांव एज्युकेशन सोसायटीचे अध्यक्ष कैलास ठोळे,सचिव दिलीप अजमेरे,सहसचिव सचिन अजमेरे,स्थानिक स्कुल कमेटीचे चेअरमन चंद्रकांत ठोळे,दै लोकमतचे रोहीत टेके, विजय कापसे,जेष्ठ शिक्षक दिलीप तुपसैंदर उपस्थित होते.
या वेळी चिन्मय उदगिरकर यांनी विद्यार्थ्यांना मार्गदर्शन करतांना सांगितले की, आजचा विद्यार्थी हा उद्याचे भविष्य असून येणाऱ्या काळात ही सृष्टी सुजलाम सुफलाम होण्यासाठी आपण सर्वांनी मोठ्या प्रमाणात देशी वृक्षाचे लागवड करून त्यांची काळजीपूर्वक संगोपन करणे गरजेचे आहे. सोबतच पावसाळ्यात पडणाऱ्या पाण्याचा जमिनीत मोठ्या प्रमाणात निचरा कसा होईल या साठी प्रयत्न करणे गरजेचे असल्याचे मत उदगिरकर यांनी व्यक्त करत या साठी तुम्हा विद्यार्थ्यांचा सहभाग महत्वाचा असून आपण आपल्या प्रत्येक वाढदिवसाच्या दिवशी एका देशी वृक्षाची लागवड करून त्याचे नीट संगोपन करावे असे आवाहन यावेळी सर्वाना केले.
कार्यक्रमाच्या प्रारंभी मान्यवरांच्या हस्ते विद्यालयाचे संस्थापक श्रीमान कै.गोकुळचंदजी ठोळे यांच्या पुतळ्यास पुष्पहार अर्पण करण्यात आला.या प्रसंगी विद्यालयाचे मुख्याध्यापक मकरंद को-हाळकर यांनी प्रास्ताविक करत विद्यालयाच्या कार्याची संपूर्ण माहिती स्पष्ट करुन ते पुढे म्हणाले की गोदामाई प्रतिष्ठाणचे आदिनाथ ढाकणे यांच्या पुढील कार्यात विदयालय अग्रेसर राहणार आहे.कार्यक्रमाचे सुत्रसंचलन विद्यालयाचे सुरेश गोरे सर यांनी तर आभार पर्यवेक्षक आर.बी.गायकवाड यांनी मानले.या कार्यक्रमात एन.सी.सी.विदयार्थीना गोदामाई प्रतिष्ठाणच्या वतीने चिन्मय उदगीरकर यांच्या हस्ते प्रशस्तीपत्रके देण्यात आली.या कार्यक्रमला सर्व शिक्षक ,विदयार्थी सोशल डीस्टन्स पाळुन उपस्थित होते.
