कोपरगाव प्रतिनिधी
भारताचा ७३वा प्रजासत्ताक दिन जि.प.प्राथमिक शाळा गिरमेवस्ती येथे covid 19 चे नियम पाळून उत्साहात साजरा करण्यात आला. ध्वजारोहण संजीवनी सहकारी साखर कारखान्याचे माजी संचालक बाळासाहेब वक्ते व यांच्या शुभहस्ते करण्यात आले . त्यांनी मनोगत व्यक्त करताना प्रत्येक नागरीकाने देशासाठी सेवाभाव ठेऊन चांगले समाज उपयोगी कार्य करावे असे सांगितले .
ग्रा.पं. सदस्य प्रदीप गायकवाड़ यांनी गिरमेवस्ती शाळेत राबविण्यात येणाऱ्या विविध उपक्रमांचे कौतुक केले. यावेळी २०११ मध्ये घेण्यात आलेल्या इयत्ता ५ वी शिष्यवृत्ती परिक्षेतील उत्तीर्ण सहा विद्यार्थ्याना बक्षीस देऊन सत्कार करण्यात आला व पुढील शिक्षणासाठी शुभेच्छा देण्यात आल्या . तसेच शालेय स्तरावर घेण्यात आलेल्या विविध स्पर्धा मध्ये बक्षीस पात्र विद्यार्थ्याना मान्यवराचे हस्ते बक्षीस वाटप करण्यात आले. यावेळी महर्षी शंकरराव कोल्हे कारखान्याचे संचालक बाळासाहेब वक्ते, जेऊर कुंभारी गावचे उपसरपंच जालिंदर चव्हाण ,शा.व्य. समितीचे अध्यक्ष श्री बाळासाहेब सोळके, श्री पाटिलबा वक्ते,ग्रा.पं. सदस्या वैशालीताई भोंगळे,
प्रदीप गायकवाड़, संजय वक्ते, नारायण गुरसळ , प्रवीण देवकर, अमोल राऊत, बाळासाहेब राऊत , सागर गुरसळ, मनोज चोपड़े, अनिल चव्हाण, नारायण गुरसळ, अमोल राऊत, पाराजी वक्ते, साईनाथ वायकर तसेच आंगणवाड़ी व आरोग्य कर्मचारी, पालक इ.मान्यवर उपस्थित होते.
मान्यवराचे स्वागत मुख्याध्यापिका श्रीमती प्रियंका जोशी यांनी केले. कार्यक्रमाचे सूत्रसंचालन व फलकलेखन उपशिक्षक श्री. अनुज ढुमणे सर यांनी केले.आभार उपशिक्षक श्री सुदाम साळुंके यांनी मानून कार्यक्रमाचा समारोप केला.
