कोपरगाव प्रतिनिधी
आज दि. १८ जानेवारी रोजी चांदेकसारे येथील बाजारतळ परिसरात जिल्हा परिषद समाज कल्याण विभागा मार्फत रु 6 लाखचा निधी मंजूर झालेल्या जलशुद्धीकरण सयंत्र प्रकल्पाचे भूमिपूजन पार पडले.
शिर्डी संस्थान चे अध्यक्ष आमदार आशुतोष दादा, काळे यांच्या नेतृत्वाखाली पंचायत समितीच्या माजी सभापती व सदस्य सौ अनुसया ताई रोहिदास होन यांनी जिल्हा परिषद समाज कल्याण विभागाकडे नागरिकांना स्वच्छ पाणी मिळावे यासाठी प्रस्ताव सादर केला होता.या प्रस्तावाच्या अनुषंगाने जिल्हा परिषद सदस्य (समाज कल्याण विभाग) सौ सोनाली ताई साबळे व जिल्हा परिषद सदस्य सौ सोनाली ताई रोहमारे यांच्या सहकार्याने चांदेकसारे येथे सहा लाख रुपये किमतीचा अॅरो मंजूर केला होता. याच प्रकल्पाचे भूमिपूजन आज कर्मवीर शंकरराव काळे सहकारी साखर कारखान्याचे संचालक आनंदराव चव्हाण,रोहिदास होन,माजी उपसरपंच केशवराव होन,माजी उपसरपंच अशोक होन,ग्रामपंचायत सदस्य युनूस भाई शेख,किरण होन,सुधाकर होन, कॉन्ट्रॅक्टर चव्हाण, ग्रामसेवक प्रल्हाद सुकेकर, यांच्या उपस्थितीत संपन्न झाला.
चांदेकसारे येथील ग्रामस्थ बऱ्याच दिवसांपासून गावात अॅरो प्लांट व्हावा यासाठी मागणी करत होते,याच अनुषंगाने बाजार तळ चांदेकसारे या ठिकाणी सुरू झालेले नवीन कामाबद्दल सर्वांनीच आमदार आशुतोष दादा काळे साहेब व माजी सभापती सौ अनुसया ताई होन यांना धन्यवाद दिले.
