कोपरगाव प्रतिनिधी
शिक्षणमहर्षी लहानुभाऊ नागरे स्थापित रेन्बो इंटरनॅशनल स्कूलमध्ये दि . ३ जानेवारी २०२२ रोजी क्रांतीज्योती सावित्रीबाई फुले जयंतीसह बालिका दिन साजरा करण्यात आला . ज्ञानगंगोत्री सावित्रीबाई फुले यांच्या स्त्री शिक्षणातील योगदानामुळे महाराष्ट्रात हा दिवस बालिका दिन म्हणून साजरा केला जातो . साजरीकरणा दरम्यान राहूल कोळगे सरांनी बालिकादिन साजरा करण्यामागची पार्श्वभूमी विद्यार्थ्यांसमोर मांडली . तर नंदिनी वक्ते मॅडम यांनी विद्यार्थीनींना बालिकादिनाच्या शुभेच्छा देत ज्ञानगंगोत्री सावित्रीबाई फुले यांच्या जीवन कार्याचा परिचय करून दिला . तर प्रशासक सुरेश शिंदे सरांनी महिला व बालकांसाठी असणाऱ्या शक्ती कायद्या संबंधी मागदर्शन केले . बालिका दिनाचे औचित्य साधून शालेय विद्यार्थीनींना गुलाब पुष्प देऊन गौरविण्यात आले तसेच क्रांतीज्योती सावित्रीबाई फुले यांचा शिक्षणाचा वारसा पुढे चालविणाऱ्या सावित्रीच्या लेकींचा अर्थात महिला शिक्षिकांचा देखील या वेळी सन्मान करण्यात आला . याच दिनाचे औचित्य साधत विविध सहशालेय उपक्रमांतर्गत घेतल्या गेल्यात विविध कला स्पर्धांचे बक्षीस वितरणही करण्यात आले . विजयी स्पर्धकांना प्रमाणपत्र देऊन गौरविण्यात आले .बक्षीस वितरणाची सुत्रे निलेश औताडे सरांसह स्वाती हांडे मॅडम यांनी सांभाळली तर विजयी स्पर्धकांना कलाशिक्षक दत्ता डोखे सरांचे मार्गदर्शन लाभले होते . अतिशय नियोजित व शिस्तबद्ध वातावरणात कार्यक्रम पार पडला . संस्थेचे कार्यकारी संचालक आकाश नागरे सरांनी या दिनी शिक्षिकांना व बालिकांना शुभेच्छा दिल्या .संस्थेचे अध्यक्ष श्री. कांतीलालजी अग्रवाल, सचिव श्री . संजयजी नागरे, विश्वस्त श्री. मनोजशेठ अग्रवाल, विश्वस्त श्री. आनंदजी दगडे, उपप्राचार्य प्रविण कदम , प्रशांत भास्कर, सोमनाथ सोनवणे यांनी सदर कार्यक्रमाचे कौतुक केले .
