कोपरगाव प्रतिनिधी
जेऊर कुंभारी येथील जिल्हा परिषद प्राथमिक शाळा हॕरिसन ब्रँच शाळेत क्रांतीज्योती सावित्रीबाई फुले यांची जयंती बालिका दिन तथा महिला मुक्ती दिन म्हणून साजरा करण्यात आला.
या कार्यक्रमात प्रथम सावित्रीबाई फुले यांच्या प्रतिमेचे पूजन शाळेतील मुलींच्या हस्ते करण्यात आले.
यानिमित्ताने ‘सावित्रीबाई फुले शिक्षण आणि सामाजिक व शैक्षणिक कार्या संबंधी सखोल माहीती शाळेच्या शिक्षिका मनिषा शिंपी यांनी मुलांना दिली मुख्याध्यापक नवनाथ सुर्यवंशी यांनी विद्यार्थ्यांना बालिका दिनाचे महत्व पटवून दिले.तसेच १०० दिवस वाचन अभियानातंर्गत विद्यार्थ्यांना वाचनाची गोडी लागावी म्हणून शाळास्तरावर विविध उपक्रम राबविण्यासंदर्भात विद्यार्थ्यांना मार्गदर्शन केले.शाळेतील विद्यार्थ्यांचा शारीरीक,मानसिक व बौद्धिक विकास व्हावा यासाठी बालिका दिनाचे औचित्य साधून लंगडी,क्रिकेट,डोक्यावर वही तोलणे,धावणे,दोरी उड्या अश्या मनोरंजक स्पर्धा घेण्यात आल्या.
यशस्वी विद्यार्थ्यांचे अभिनंदन करण्यात आले.
याप्रसंगी अंगणवाडी ताई तारा वक्ते,अंगणवाडी मदतनीस कमल नळे उपस्थित होत्या.
