कोपरगाव प्रतिनिधी
कोपरगाव तालुक्यातील डाऊच बुद्रुक गावचे सुपुत्र भाऊसाहेब काशिनाथ दहे व साईनाथ किसन दहे या भूमिपुत्रांची दार्जिलिंग येथे वरिष्ठ अधिकाऱ्यांच्या मार्गदर्शनाखाली सेनादलात सुभेदार पदी नियुक्ती झाली आहे. त्याबद्दल आज दि ३० डिसेंबर रोजी चांदेकसारे भैरवनाथ मंदिर येथे ह भ प मनसुक महाराज दहे, के जे सोमय्या चे प्राचार्य विठ्ठल होन महर्षी शंकरराव कोल्हे कारखान्याचे माजी संचालक बाळासाहेब वक्ते कल्याणराव होन,भास्करराव गुरसळ
यांनी पुष्पगुच्छ देऊन सुभेदार भाऊसाहेब काशिनाथ दहे व साईनाथ किसन दहे यांचा सत्कार करण्यात आला.
सत्कार प्रसंगी प्राचार्य विठ्ठल होन यांनी या दोन सुभेदारांचे कौतुक केले तसेच त्यांच्या कामाचा गौरव केला व त्यांनी जे प्रामाणिकपणे काम केले हे त्याचे फळ आहे विद्यार्थ्यांनी पण यांचा आदर्श घ्यावा व आपल्या जिवनाचे ध्येय साध्य करावे त्यासाठी
चांगल्या प्रकारचे शिक्षण घेणे गरजेचे आहे विद्यार्थीजवळ चिकाटी व जिद्द असेल तर ते यशाचे शिखर गाठू शकतात तेव्हा आजच्या तरुण पिढीने शिक्षणाकडे लक्ष दिले पाहिजे असे यावेळी प्राध्यापक विठ्ठल होन यांनी सांगितले.
सत्कार प्रसंगी महर्षी शंकरराव कोल्हे कारखान्याचे माजी संचालक बाळासाहेब वक्ते प्राचार्य विठ्ठल होन सर, कल्याणराव होन सर, भास्करराव गुरसळ, बाबासाहेब होन, आदी उपस्थित होते.
सत्काराला उत्तर देताना भाऊसाहेब दहे यांनी सांगितले की आम्ही देश सेवेसाठी आमचे प्राण पणाला लावू असे सांगण्यात आले .
सूत्रसंचालन कल्याणराव होन यांनी केले व आभार मनसुक महाराज दहे यांनी मानले.
