कोपरगाव प्रतिनिधी
तालुक्यातील करंजी येथे २५ लाख रुपये खर्चाचे गुरुवर्य हभप सोपानकाका करंजीकर सभागृह भाजपच्या प्रदेश सचिव स्नेहलता कोल्हे यांच्या हस्ते लोकार्पण करण्यात आले, अध्यक्षस्थानी हभप मिराबाई मिरीकर होत्या. सौ. स्नेहलता कोल्हे पुढे म्हणाल्या की, ह.भ.प.सोपानकाका यांनी सरला बेट येथे अनुग्रह घेतला. त्यानंतर १९५२ ते १९५६ या कालावधीत श्रीक्षेत्र आळंदी आणि त्यांनंतर पुण्याच्या निवडंग विठठल मंदिरात अध्यात्माचे शिक्षण घेतले. किर्तन सेवेच्या माध्यमातून ह.भ. प. सोपानकाका यांनी राज्यभर प्रबोधनाचे काम केले. करंजी सारख्या छोटयाश्या गावाचे नाव राज्यभर नेण्याचे काम हभप सोपानकाका यांनी केले. त्यांना आपल्यातून जाउन एक वर्षे झाले, करंजी ग्रामस्थांच्या वतीने त्यांच्या प्रथम पुण्यतिथी निमित्त भव्यदिव्य किर्तन महोत्सव सप्ताह सुरू आहे, हे सभागृह आपल्या आमदारकीच्या काळातील.. सन २०१९च्या ग्रामविकास निधी अंतर्गत करता आले असुन २५ लाख रूपये खर्चाचे सामजिक सभागृह आहे. समाजाच्या उन्नतीसाठी ज्यांनी आपले संपुर्ण आयुष्य खर्च केले, ते आपल्या सर्वांचे आदरस्थान, तालुक्याचे भूपण गुरूवर्य ब्रम्हालिन ह.भ.प.सोपानकाका करंजीकर यांचे नाव या सभागृहाला दयावे असा आपला मनोदय आहे, त्यामुळे आजपासून या सभागृहाला गुरूवर्य ह.भ.प. सोपानकाका करंजीकर सभागृह असे संबोधन्यात यावे. सध्या कोरोनाचा प्रादुर्भाव वाढत असल्याने शासनाकडून पुन्हा निर्बंध लागू केले आहे. या पार्श्वभूमीवर सर्वांनी काळजी घ्यावी, नियमांचे पालन करावे, असेही सौ स्नेहलता कोल्हे म्हणाल्या.
