कोपरगाव प्रतिनिधी
कोपरगाव शहरातील गांधीनगर येथील रहिवाशी महेश नारायण कडलग यांच्या घरी भाडेकरू म्हणून आलेल्या जोडप्याने लग्नासाठी जमविलेले दागिने व रोख रक्कम घेऊन पोबारा केला होता त्या जोडप्यास पोलिसानी मुद्देमालासह पकडले असल्याची माहिती कोपरगाव शहर पोलिस निरीक्षक वासुदेव देसले यांनी दिली आहे.
सविस्तर वृत्त असे की, कोपरगाव शहरातील गांधीनगर येथील रहिवाशी महेश नारायण कडलग
यांनी दिलेल्या फिर्यादीत म्हटले आहे की, आईच्या मालकीच्या घरात आरोपी नवनीत मधुकर नाईक व त्यांची पत्नी स्मिता नवनीत नाईक दोघे रा.मुंबई हे एक महिण्यासाठी
भाडोत्री राहवयास होते. त्या दरम्यान त्यांनी माझ्या आईचा विश्वास संपादन करुन माझ्या आई च्या घरात मी ठेवलेले माझ्या बहिणीच्या लग्नासाठी बनविलेले दागिने व रोख रक्कम असा किंमती मुद्येमाल चोरुन घेवुन पळुन गेले अशी तक्रार
कोपरगाव शहर पोलीस स्टेशन गु रजि नंबर १७८/२०१८ भा.द.वि.कलम ४५७,३८०,३४ प्रमाणे दि २२ सप्टेंबर २०१८ रोजी दाखल केला होता.
सदर गुन्हयातील आरोपींचा वरिष्ठांचे मार्गदर्शनाने शोध घेवुन त्यांना ताब्यात घेवुन त्यांचेकडेस
विचारपुस करुन अधीक तपास केला असता त्यांनी सदरचा गुन्हा केला असल्याची कबुली देवुन चोरुन नेलेला मुद्येमाल १२.१२४ ग्रॅम वजनाचे गंठन,१०.५४० ग्रॅम वजनाचा नेकलेस, ०६.०० गॅमचा लड,११.५० ग्रॅमचा लड, २०.१९० ग्रॅमचा लड,१६.३२० ग्रॅमचा लड, ४३.०० ग्रॅम वजनाचा लड,११.०२ ग्रॅम वजनाचा लड असा एकुण ११९.२२४ ग्रॅम वजनाचे (१२ तोळे ) सोन्याचे दागीने सुमारे ५ लाख ५० हजार रुपय किंमतीचा मुद्येमाल आरोपी नवनीत मधुकर नाईक व त्याची पत्नी स्मिता नवनीत नाईक दोघे रा.मुंबई यांचेकडुन हस्तगत केला असून सदर आरोपीतांना सदर
गुन्हयात अटक केली असुन सदरचा जप्त मुद्येमाल दि १८ डिसेंबर २०२१ रोजी यातील फिर्यादी व त्यांची आई यांचे ताब्यात दिले असल्याची माहिती पोलिस निरीक्षक देसले यांनी दिली आहे.सदरची तपास कारवाई वरिष्ठांचे मार्गदर्शनाखाली पो.नि.देसले, पोसई भरत नागरे, पो ना सचिन शेवाळे, पो कॉ थोरात, पो.कॉ काटे, पो.कॉ खारतोडे ,म.पो ना बनकर यांनी केली आहे.
