कोपरगाव प्रतिनिधी
कोपरगांव शहर एमआईएम पक्षाची मिटींग नुकतीच शिर्डी लोकसभा क्षेत्राचे अध्यक्ष तौसिफ मनियार यांच्या अध्यक्षतेखाली घेण्यात आली व त्यात आगामी कोपरगांव नगरपालिकेची निवडणुक लढविण्याचे सर्वानुमते ठरविण्यात आले.
राज्यात वजन असलेले दिग्गज नेते कोपरगांव तालुक्याला लाभलेले असुन ही, म्हणावा तसा विकास कोपरगांव शहराचा झालेला नाही. आलटून पालटून कोपरगांव नगरपालिकेची सत्ता या नेत्यांच्या ताब्यात असते परंतु फक्त आश्वासने देऊन वेळ मारण्याचे काम यांच्या कडुन सतत होत असते. गावाचा पाणी प्रश्न असो, रस्त्यांचा प्रश्न असो व विस्थापित टपरी धारकांचा प्रश्न असो हे सर्व प्रश्न जशाच्या तसेच आहे .
या नेत्यांचे कार्यकर्ते निवडणुक जिंकल्या नंतर आपल्या नेत्यांच्या इशाऱ्यावर चालतात त्यांना शहर विकासाचे काहीच देणेघेणे नाही फक्त नेत्यांना खुश करण्याचे काम करत असतात. नगरपालिकेत वचक ठेवण्यासाठी व शहराच्या विकासाचे ध्येय घेऊन आगामी निवडणुकीत एमआईएम पक्ष पुर्ण ताकदीने लढणार आहे. विशेष करून प्रभाग क्रमांक १,५,६,७,८,१०,११,१२,१३,व १४ ह्या प्रभागात उमेदवार उभे करून त्यांना निवडुन आणण्यासाठी प्रयत्न करणार आहोत. व कोपरगांव शहराच्या विकासात मोलाचे योगदान देण्याचे प्रतिपादन एमआईएमचे शिर्डी लोकसभा क्षेत्राचे अध्यक्ष तौसिफ मनियार यांनी केले आहे.
