कोपरगाव प्रतिनिधी
रयतेचा कैवारी डिजिटल शैक्षणिक दैनिक, पाक्षिक, मासिक तर्फे सन २०२१ मधील महाराष्ट्रातील ३६ जिल्ह्यातीत शिक्षण क्षेत्रात उल्लेखनिय कार्य करणाऱ्या ३६ शिक्षकांना राज्यस्तरीय शिक्षण भूषण पुरस्काराने सन्मानित करण्यात आले. हा भव्य दिव्य पुरस्कार सोहळा के.टी.एच.एम. महाविद्यालय नाशिक येथे पार पडला. अहमदनगर जिल्ह्यातील गिरमेवस्ती (जेऊर कुंभारी ) ता – कोपरगाव येथील तंत्रस्नेही शिक्षक सुदाम साळुंके यांच्या ३२ वर्ष सेवेतील उल्लेखनीय कार्याची दखल घेऊन त्यांची निवड करण्यात आली होती. त्यांना सहकुटुंब मान्यवरांच्या हस्ते राज्यस्तरीय शिक्षण भूषण पुरस्काराने सन्मानित करण्यात आले.
यावेळी शिक्षक आमदार मा. सुधीर तांबे, आशिया खंडातील सर्वाधिक विद्यार्थी संख्या असलेल्या महाविद्यालयाचे प्राचार्य डॉ. विश्वास गायकवाड, ज्येष्ठ साहित्यिक बी. बी. गुंजाळ, गट शिक्षणाधिकारी सरोज जगताप, माध्यमिक शिक्षणाधिकारी शिंदे, जावळे साहेब, प्राचार्य भगवानसिंग राजपूत, ज्येष्ठ अधिव्याख्याता डी. डी. सूर्यवंशी, शिक्षण विस्तार अधिकारी संजय अस्वले, विलास काळे, केंद्रप्रमुख नवनाथ जाधव, राजकवी ख. र. माळवे ( खरमा ) रयतेचा कैवारीचे संपादक शाहू भारती, उपसंपादक संजय येशी, कार्यकारी संपादक – सुनिता इंगळे ( सुर्यवंशी ) , बालाजी नाईकवाडी, बालसंस्कार समुहाचे प्रमुख – नवनाथ सूर्यवंशी ,सर्व संपादक मंडळ, विभाग प्रमुख यांच्यासह राज्यातील सर्व जिल्हयांचे जिल्हा व तालुका प्रतिनिधी, पुरस्कारार्थी आदि मान्यवर उपस्थित होते. कार्यक्रमाचे सुत्रसंचालन कार्यकारी संपादक – सुनिता इंगळे ( सुर्यवंशी ) व अक्षय पवार यांनी केले तर कार्यक्रमाचे उत्कृष्ट आयोजन रयतेचा कैवारी नाशिक टिमने केले.
