कोपरगाव प्रतिनिधी
कोपरगाव तालुक्यातील रांजणगाव देशमुख येथील रहिवासी असलेले दर्शन खालकर यांनी कोरोना काळात दिलेल्या योगदानाबद्दल व त्यांच्या भगिनी प्रीती खालकर यांना रोटरी क्लब ऑफ संगमनेर चा आदर्श शिक्षिका पुरस्कार मिळाल्याबद्दल श्री साईबाबा संस्थानचे अध्यक्ष आ.आशुतोष काळे यांनी साईबाबांची मूर्ती देवून त्यांचा गौरव केला आहे.
जीवघेण्या कोरोना विषाणूने संपूर्ण विश्वाला जेरीस आणले. आरोग्य विभागाला या अदृश्य शत्रूबरोबर समर्थपणे लढण्यासाठी कोपरगाव मतदार संघात आ. आशुतोष काळे यांनी केलेल्या उपाययोजना प्रभावी ठरल्यामुळे संसर्ग नियंत्रणात राहिला. त्यांची प्रेरणा घेवून समाजातील अनेक नागरिकांनी देखील आपले योगदान दिले आहे. असेच योगदान रांजणगाव देशमुख येथील रहिवासी असलेल्या दर्शन खालकर व त्यांची बहीण बहीण प्रीती खालकर यांनी देखील दिले आहे. दर्शन खालकर यांची संगमनेर येथे आय.एस.ओ. मानांकित रक्त तपासणी प्रयोगशाळा असून ते अविरतपणे सेवा देत आहेत. त्यांनी आजपर्यंत ३४ वेळा रक्तदान केले असून पाचवेळा गरजवंताना प्लाझ्मा दान केला आहे. तसेच त्यांच्या भगिनी असलेल्या प्रीती खालकर शिक्षिका आहेत. विद्यार्थ्यांना वेगवेगळ्या प्रकारच्या उपक्रमातुन शिकवणे हा त्यांचा आवडता छंद आहे. अभ्यासात मागे राहिलेल्या मुलांसाठी सोप्यातून काठीणकडे ,हसत खेळत आनंदी शिक्षणावर भर देवून त्यांनी कोविड च्या काळात ऑनलाईन शिक्षणाबरोबरच,गृहभेटी, ज्या विद्यार्थ्यांकडे स्मार्ट फोन नाहीत अशा साध्या फोन असणाऱ्या विद्यार्थ्यांचे कॉन्फरन्स कॉल असे गट करून सर्वांना शालेय प्रवाहात टिकून ठेव्य त्यांची गुणवत्ता कायम टिकवून ठेवण्यात त्या यशस्वी झाल्या आहेत. त्यांनी शाळेत गंगासृष्टी,शिवसृष्टी प्रकल्प सुरु करून शाळेत १९ फळझाडे,फुलझाडे वाढविण्याबरोबरच गांडूळखत प्रकल्प देखील यशस्वी केला आहे. त्यांच्या कामगिरीची दखल घेवून त्यांना संगमनेरच्या रोटरी क्लबने आदर्श शिक्षिका पुरस्कार देवून गौरविले आहे. मतदार संघातील गुणवंतांचा श्री साईबाबा संस्थानचे अध्यक्ष आ.आशुतोष काळे यांना मोठा अभिमान आहे. त्यामुळे त्यांनी या बहीण भावंडांचा गौरव केला व त्यांच्यावर उच्चकोटीचे संस्कार करणारे त्यांचे वडील सामाजिक कार्यकर्ते कारभारी खालकर यांचा देखील सत्कार केला आहे.
याप्रसंगी श्री साईबाबा संस्थानचे विश्वस्त राहुल कनाल, कर्मवीर शंकरराव काळे कारखान्याचे संचालक सुनील शिंदे, सचिन रोहमारे, अॅड. राहुल रोहमारे, जवळकेचे सरपंच बाबुराव थोरात, लक्ष्मण थोरात, निलेश गुडघे आदींसह रांजणगाव देशमुख परिसरातील कार्यकर्ते उपस्थित होते. खालकर बहीण-भावंडाचा गौरव करतांना श्री साईबाबा संस्थानचे अध्यक्ष आ.आशुतोष काळे
