कोपरगाव प्रतिनिधी
दिंडोरी प्रणित स्वामी समर्थ दरबाराचे प.पू. गुरुमाऊली आण्णासाहेब मोरे यांच्या कृपाशिर्वादाने तसेच कारखान्याचे संस्थापक माजीमंत्री शंकरराव कोल्हे यांच्या मार्गदर्शनाखाली व अध्यक्ष बिपिनदादा कोल्हे यांच्या नेतृत्वाखाली सुरू झालेल्या गुरुचरित्र पारायण सोहळ्यास सालाबादप्रमाणे याही वर्षी सहकारमहर्षी शंकरराव कोल्हे साखर कारखाना कार्यस्थळावर कार्यकारी संचालक बाजीराव जी. सुतार यांच्या हस्ते सपलीक शुभारंभ करण्यांत आला, त्यांच्यासह ७५ पारायणार्थी यात सहभागी झाले आहेत. सन २००७ मध्ये गुरुमाऊली आण्णासाहेब मोरे यांच्या हस्ते या पारायणाची सुरुवात करण्यांत आली होती, यंदाचे हे चौदावे वर्ष आहे.माजीमंत्री शंकरराव कोल्हे यांच्या छत्रछायेखाली कारखाना प्रत्येक अडचणीवर मात करून गळीत हंगामासह अन्य उपपदार्थ निर्मीतीत राज्यात अग्रेसर आहे. संजीवनी उद्योग समूहाचे अध्यक्ष बिपीनदादा कोल्हे यांचा गुरुचरित्र पारायणासाठी सतत अग्रह असतो, सामाजिक कार्याबरोबरच त्यांना धार्मिक कार्याची विशेष आवड आहे. धार्मिक अधिष्ठानाची जपवणूक करण्यात त्यांचा मोलाचा वाटा आहे.
जिल्हा सहकारी बँकेचे संचालक व कारखान्यांचे तज्ञ संचालक विवेक कोल्हे व भाजपाच्या प्रदेश सचिव स्नेहलता कोल्हे हे प्रत्येक सोहळ्यास उपस्थीत राहून मार्गदर्शन करतात. गुरुचरित्र पारायणाची विशेष शक्ती प्रत्येक संकट हरण करण्यात सातत्याने सहकार्य करत असते. कारखान्यांचे उपाध्यक्ष आप्पासाहेब दवंगे व सर्व संचालक, संजीवनी उद्योग समुहाच्या विविध संस्थांचे पदाधिकारी, सर्व खातेप्रमुख, उप खातेप्रमुख, माजी आजी संचालक यांचा याप्रसंगी विशेष सहभाग होता. कोरोना महामारीचे निर्माण झालेले संकट आणि शेतकरी बांधवावर त्यातून ओढवलेल्या आपत्तीचा समूळ नायनाट होवो अशी प्रार्थना यावेळी करण्यात आली. चंद्रकांत जाधव, त्यांचे सर्व सहकारी, व स्वामी समर्थ सेवेकरी हा सोहळा यशस्वी करण्यांसाठी विशेष प्रयत्नशिल आहेत. चंद्रकांत जाधव यांनी स्वामी समर्थ गुरुमाऊली अण्णासाहेब मोरे, कारखान्याचे प्रमुख आधारस्तंभ शंकरराव कोल्हे, अध्यक्ष बिपिनदादा कोल्हे यांचे विशेष कोलाज छायाचित्र बनवले असून ते या ठिकाणी लावण्यात आले आहे.सहकारमहर्षी शंकरराव कोल्हे सहकारी साखर कारखाना कार्यस्थळावर कार्यकारी संचालक बाजीराव जी. सुतार यांच्या हस्ते सपत्नीक गुरुचरित्र पारायण सोहळ्यास सुरुवात करण्यात आली.
