शिवसुत्र युवा प्रतिष्ठान व शिव जागर संघटनेचा संकल्प ! !
कोपरगाव प्रतिनिधी
छत्रपती शिवाजी महाराज,डॉ. बाबसाहेब आंबेडकर,महात्मा फुले,शाहू महाराज,महाराणा प्रताप,आण्णा भाऊ साठे, आहील्यादेवी होळकर यांसारखे अनेक महापुरुष संपूर्ण मानव जातीच्या कल्याणासाठी लढले. मग आपण आपल्या फायद्यासाठी त्यांना जातीच्या बंधनात अडकवणारे आपण कोण को? असा प्रश्न शिवसुत्र युवा प्रतिष्ठान चे अध्यक्ष सुधाकर वक्ते यांनी मांडला.
शिवजागर फाऊंडेशन चे प्रेरणेतून जेऊर कुंभारी गावामध्ये रविवार दिनांक ०५डिसेंबर रोजी छत्रपती शिवाजी महाराज यांची शिवसुत्र युवा प्रतिष्ठान चे वतीने मोठया उत्साहात महाआरती करण्यात आली.
त्याप्रसंगी ते बोलत होते ते पुढे म्हणाले की,शिवसुत्र युवा प्रतिष्ठान नेहमीच सर्व महापुरुषांच्या कार्याचा आणि विचारांचा आदर्श समोर ठेऊन सामाजिक कार्यात सहभागी होत आहे आजपासुन सुरु झालेली महाराजांची आरती यापुढेही अखंडित सुरू राहणार असल्याचे सुधाकर वक्ते यांनी सांगीतले आहे
तसेच शिवजागर फाऊंडेशनचे सचिव अजय सुपेकर यांनी गावोगावी जाऊन महाराजांची आरती घेण्यामागे छत्रपती शिवाजी महाराजांसह सर्वच महापुरुषांचे विचार युवा वर्गाच्या मनामनात रुजवावे व माणुसकीचे नाते तयार करावे असा हेतू असल्याचे सांगितले. तर माजी अध्यक्ष व ग्रामपंचायत सदस्य प्रदिप गायकवाड यांनी शिवजागर फांडेशन चे कार्य व हेतू हा कौतुकास्पद असल्याचे सांगितले.शिवसुत्र युवा प्रतिष्ठान चे उपाध्यक्ष विशाल गुरसळ यांनी या शिवकार्यात शिवसुत्र युवा प्रतिष्ठान नेहमीच शिवजागर फाऊंडेशन ला सहकार्य करण्यास बांधील राहील अशी ग्वाही दिली.
या प्रसंगी राहुल वके,विक्रम चव्हाण, हृषिकेश गुरसळ, शिवजागर फाऊंडेशन चे अध्यक्ष परेश सोनवणे, संतोष जाधव, अक्षय गुरसळ,गौरव गुरसळ, रोहित जावळे, विवेक जगताप, सौरभ पवार, साईनाथ वायकर, गौरव गायकवाड, राणा वक्ते, सुदर्शन कवडे, खंडू गांगुर्डे, ऋषी मेहेत्रे,ऋषी वक्ते, सौरव गायकवाड, अथरव गिरमे, राहुल देवकर यांचेसह शिवसुत्र युवा प्रतिष्ठान व शिव जागर फांडेशन चे सर्व सदस्य मोठ्या संख्येने उपस्थित होते.
