कोपरगाव प्रतिनिधी
आज दि. २५ नोव्हेंबर रोजी कोपरगाव तालुक्या सह शेजारील जिल्हांचे श्रद्धास्थान असलेले कोपरगाव बेट येथील श्री संत जनार्दन स्वामी(मौनगीरी ) महाराज समाधीस्थळ,श्री काशी विश्वनाथ महादेव शैक्षणिक व गोपालन ट्रस्टच्या नविन अध्यक्षपदाची निवड ट्रस्टचे मठाधिपती परमपुज्य रमेशगीरी जी महाराज यांच्या मार्गदर्शनाखाली झाली असुन माजी अध्यक्ष मोहनराव चव्हाण यांच्या निधनानंतर रिक्त झालेल्या अध्यक्षपदी औरंगाबाद येथील स्वामी भक्तव ट्रस्टचे विद्यमान उपाध्यक्ष दत्तात्रय बाळकृष्ण होळकर यांची निवड झाली आहे व सर्व विश्वस्त मंडळ व स्वामीभक्तांच्या इच्छेनुसार परमपुज्य रमेशगिरी जी महाराज यांनी मठाधिपती व विश्वस्त पदाची जबाबदारी स्विकारली आहे.
याप्रसंगी मोठया प्रमाणात उपस्थित असलेल्या स्वामीभक्तांनी परमपुज्य रमेश गिरी जी महाराज यांची निवास्थान पर्णकुटी ते समाधीस्थळापर्यत वाजत गाजत भव्य मिरवणुक काढुन गुलाल उधळुन जल्लोष साजरा केला. व परमपुज्य रमेशगिरी जी महाराज यांची निवड हा स्वामी भक्तांचा विजय असल्याच्या घोषणा दिल्या.
याप्रसंगी जेऊर कुंभारी येथील सतीशराव आव्हाड,भानुदास वक्ते किरण वक्ते,भास्कर चव्हाण, सागर होन,सुनील मधुकर वक्ते,चांगदेव कातकडे, दिपक कोटणे, संदीप शिंदे, शिंगणापूर चे सरपंच भीमा आप्पा संवतकर किशोर पानगव्हाणे, विष्णुपंत कोल्हे दिनकर कदम. भानुदास वक्ते,किरण वक्ते, भास्कर चव्हाण ,सागर होन, सुनील होन,मधुकर वक्ते आदींनी उपस्थित राहुन परमपुज्य रमेशगिरी जी महाराज यांना शुभेच्छा दिल्या.
