कोपरगाव प्रतिनिधी
भारतीय जनता पक्षाच्या प्रदेश सचिव स्नेहलता कोल्हे व सौ. कलावतीताई नितीनदादा कोल्हे यांनी कार्तिकी पौर्णिमेनिमीत्त कोपरगांव विधानसभा मतदार संघातील श्रीक्षेत्र पुणतांबा येथील कार्तिक स्वामींचे दर्शन घेतले. प्रारंभी श्री. सुधाकर जाधव, संभाजी गमे व पुणतांबा ग्रामस्थांनी सौ. स्नेहलता कोल्हे यांचे स्वागत केले. याप्रसंगी अतुल कुलकर्णी, चंद्रकांत वाटेकर, देविदास डोखे, रामभाउ डोखे, कार्तिक स्वामी भक्त मंडळ, श्रीराम भजनी मंडळ, दिलीप उगले, शरद गोरे, अशोक राउत, शंकर शेलार, शोभा राउत, सुनंदा जाधव आदि उपस्थित होते. सौ. स्नेहलता कोल्हे याप्रसंगी बोलतांना म्हणाल्या की, राक्षसी प्रवृत्तीपासून होणारा त्रास दुर करण्यांत कार्तिक स्वामींची महत्वाची भूमिका आहे या पुरातन इतिहासात त्याने तारकासुर राक्षसाचा संहार केल्याची अख्यायिका आहे. कोरोना महामारी आणि त्यातुन निर्माण झालेली आर्थीक संकटे, शेतक-यांच्या समस्या दूर होवो अशी प्रार्थना त्यांनी केली. पुणतांबा परिसरातील कार्तिक स्वामी मंदिरासह, चांगदेव महाराज स्थान, पुण्य क्षेत्रातील अन्य पुरातन मंदिरासह मामा भाचे मंदिर, महादेव मंदिर, चक्रधरस्वामी मंदिर आदिंचा दर्जा वाढवुन भाविकांना याठिकाणी विविध सुख सोयी निर्माण करण्यांसाठी तत्कालीन शासनाकडे प्रस्ताव सादर करण्यात आले असुन ते अंतिम स्तरावर आहे. तीर्थक्षेत्र पुणतांबा कार्यस्थळावर धाकटी एकादशी मोठया प्रमाणांत साजरी केली जाते. गंगा गोदावरी स्नानासाठी याठिकाणी भाविक मोठया संख्येने दाखल होत असतात त्यांच्या दैनंदिन गरजा परिपुर्णतेसाठी आपला सातत्याने पाठपुरावा सुरू असल्याचे त्या शेवटी म्हणाल्या. सुनंदा जाधव यांनी आभार मानले.कार्तिकी पौर्णिमेनिमीत्त कोपरगांव विधानसभा मतदार संघातील श्रीक्षेत्र पुणतांबा येथील कार्तिक स्वामींचे भाजपाच्या प्रदेश सचिव स्नेहलता कोल्हे व सौ. कलावती नितीनदादा कोल्हे यांनी दर्शन घेतले.
