कोपरगाव प्रतिनिधी
कोपरगाव हद्दीतील मोहनीराजनगर भागामध्ये मंगळवार दि ९ नोव्हेंबर २०२१ रोजी पाईलच्या खड्ड्यांमध्ये ४ वर्ष वयाची ईश्वरी गंगावणे हि चिमुरडी पडली होती.साधारण दोन ते तीन तासा नंतर तिला प्रशासनाला रेस्क्यू करत सुखरूप बाहेर काढण्यात यश आले होते.चिमकुलीला सुखरूप बाहेर काढल्यानंतर तात्काळ कोपरगाव शहर पोलिस निरीक्षक वासुदेव देसले यांनी स्वतःसंत जनार्धन स्वामी हाॅस्पिटल मध्ये उपचारासाठी दाखल केले,त्या वेळेस उपचारा दरम्यान तीच्या उजव्या हाताचा पंजा काढण्याची वेळ तिच्या वर आली होती,परंतु दैवी शक्ती असल्या प्रमाणे ईश्वरीने न घाबरता डाॅक्टरांच्या उपचाराला प्रतिसाद देत सर्व दु:खावरती मात केली व अखेर ती सुखरूप घरी परतली.आज पुन्हा एकदा पोलिस अधिकारी कसा असावा यांचे दर्शन झाले व वासुदेव देसले यांच्या रूपाने ते अनुभवयास मिळाले ते असे की ज्या वेळी ईश्वरीला खड्ड्यातून बाहेर काढत होते त्यावेळी तिच्या अंगावर असलेला लाल रंगाचा फ्राॅक कापण्यात आला होता हे देसले यांच्या स्मरणात होते.ईश्वरी उपचारानंतर घरी सोडणार हे समजताचं वासुदेव देसले यांनी अतिशय सुंदर लाल रंगाचा फ्राॅक घेऊन येवुन स्व:ताच्या हाताने घातला व कड्यावर घेऊन हाॅस्पिटल बाहेर घेऊन आले.
एवढेच नव्हे तर मोहनिराजनगर भागात येऊन ईश्वरीच्या नव्या जन्माचा लक्ष्मीआई मंदिरात केक कापून तिचा नविन जन्म देखील साजरा केला.
ईश्वरी सुखरुप घरी आल्याचा आनंद तिच्या घरच्यांना बरोबरच संपूर्ण मोहनीराजनगर भागामधील नागरीकांना झाल्याचा दिसुन येत होते आणि वासुदेव देसले सुरवाती पासुन ते ईश्वरी घरी येई पर्यंत जे मोलाचे सहकार्य केले.त्या बद्दल त्यांचे मोहानिराज नगर च्या रहिवाश्यांनी आणि महाराष्ट्र नवनिर्माण सेनेचे शहराध्यक्ष
सतिश आण्णा काकडे यांनी व त्यांचा सर्व ग्रुप ने वासुदेव देसले यांचा जंगी सत्कार देखील केला.
