कोपरगाव तालुका काँग्रेस सभासद नोंदणी अभियान श्री. आकाश नागरे यांच्या नेतृत्वात होणार असून त्यांची प्रभारी म्हणून निवड करण्यात येत आहे- आ. डॉ. सुधीर तांबे !!
कोपरगाव प्रतिनिधी
दि . १ नोव्हेंबर २०२१ रोजी जेऊर कुंभारी, कोपरगाव येथे मान. नामदार श्री. बाळासाहेब थोरात साहेब जनसंपर्क कार्यालयाचे उद्घाटन करण्यात आले. याप्रसंगी काँग्रेसचे युवा कार्यकर्ते प्रचंड संख्येने उपस्थित होते. आमदार सुधीर तांबे यांच्या हस्ते उत्साहाच्या वातावरणात जनसंपर्क कार्यालयाचे उद्घाटन करण्यात आले. तेथून कोपरगाव मध्ये अनेक मान्यवरांसह तांबे साहेब कोपरगाव मधील कृष्णाई मंगल कार्यालयात आयोजित कार्यकर्ता मेळाव्यात सहभागी झाले. या वेळी अहमदनगर जिल्हा काँग्रेसच्या वतीने काँग्रेस पक्ष नवीन सभासद नोंदणी अभियानाचे शुभारंभ करण्यात आले. व्यासपीठावर विधान परिषद सदस्य आमदार डॉ. सुधीर तांबे साहेबांची प्रमुख उपस्थिती होती. या प्रसंगी श्री. आमदार डॉ. सुधीर तांबे यांनी तरुणांच्या विविध प्रश्नांवर चर्चा केली व रोजगाराची हमी दिली व सर्व प्रश्नांना प्राधान्य देवून त्यावर उपाय योजना केल्या जाण्याचे आश्वासन दिले. नुकत्याच काँग्रेस पक्षात प्रवेश केलेल्या व कमी कालावधीत जनसामान्यांचा विश्वास संपादन केलेले युवा नेते आकाश नागरे यांनी देखील गावोगावी भेटी देऊन आलेले स्व-अनुभव तसेच तरुणांना भेडसावणारे प्रश्न मांडले व समस्यांवर उपाय योजना करण्याची श्री. तांबे साहेबांना विनंती केली. श्री. रविंद्र साबळे व सौ. सविता विधाते यांनी आपले मनोगत व्यक्त केले. असंख्य कार्यकर्त्यांनी यावेळी काँगेस पक्षात प्रवेश केला.
जिल्हा काँग्रेस कमिटीचे समन्वयक श्री. ज्ञानदेव वाफारे यांनी आमदार डॉ. सुधीर तांबे साहेबांच्या सूचनेनुसार श्री. आकाश नागरे यांची कोपरगाव तालुका काँग्रेस सभासद नोंदणी अभियान प्रमुख म्हणुन निवड जाहीर केली. गावो गावी तरूणांना, महिलांना, व ज्येष्ठ नागरिकांना भेटून काँग्रेस पक्ष बळकट करण्यासाठी नवीन मतदारांना पक्षासोबत जोडण्याची महत्त्वाची जबाबदारी त्यांच्यावर नामदार श्री. बाळासाहेब थोरात यांच्या मार्गदर्शनाखाली आमदार डॉ. सुधीर तांबे यांनी दिली आहे.अशा प्रकारे मेळाव्यात आगामी धोरणां संबंधी विविध मुद्द्यांवर चर्चा करण्यात आली. कोरोना पार्श्वभूमी अंतर्गत सर्व नियमांचे पालन करत उद्घाटन व कार्यकर्ता मेळावा यशस्वीरित्या संपन्न झाला.
या कार्यक्रमाला प्रमुख पाहुणे म्हणून नाशिक पदवीधर मतदारसंघाचे मान. आमदार डॉ. सुधीरजी तांबे साहेब, अहमदनगर जिल्हा काँग्रेसचे समन्वयक श्री. ज्ञानदेवजी वाफारे साहेब, कार्याध्यक्ष व श्री साईबाबा संस्थान शिर्डी चे विश्वस्त मान. श्री. सचिनजी गुजर साहेब, अहमदनगर जिल्हा युवक काँग्रेसचे कार्याध्यक्ष मान. श्री. सुभाषभाऊ सांगळे साहेब, अहमदनगर जिल्हा काँग्रेस कमिटीच्या सरचिटणीस मान. श्रीमती. मिनलताई खांबेकर, जिल्हाध्यक्षा (महिला, अ.जा. विभाग) मान. सौ. सविताताई विधाते, अहमदनगर जिल्हा युवक काँग्रेस उपाध्यक्ष श्री. तुषार पोटे, तालुकाध्यक्ष श्री. नितीन शिंदे, शहराध्यक्ष श्री. सुनील साळुंखे, शहरध्यक्ष अ.जा. विभाग श्री. रवींद्र साबळे व इतर मान्यवर उपस्थित होते. कार्यक्रमाचे सूत्रसंचालन श्री. निलेशजी पर्बत सर यांनी केले.
