कोपरगाव प्रतिनिधी
रिपब्लिकन पार्टी ऑफ इंडिया आठवले गट या पक्षाचे राष्ट्रीय उपाध्यक्ष काकासाहेब खंबाळकर यांनी नुकताच राष्ट्रवादी काँग्रेस पक्षात प्रवेश केला असून त्यांची महाराष्ट्र प्रदेश अध्यक्ष नामदार जयंत पाटील यांनी महाराष्ट्र प्रदेश राष्ट्रवादी काँग्रेस पक्षाच्या सरचिटणीस पदी निवड केल्याबद्दल ओम साई ग्रामीण शिक्षण संस्थेचे संस्थाप्रमुख परशराम साबळे यांनी सत्कार करत भावी वाटचालीस शुभेच्छा दिल्या.
यावेळी साबळे यांनी सांगितले की, कोणताही व्यक्ती जन्मतः ज्ञान, संपत्ती आणि यश घेऊन जन्माला येत नसतो, तर तो त्याचा अंतर्मनातील गुणकौशल्याचा आधारे स्वकर्तुत्वाने यश मिळवत असतो असेच एक व्यक्तिमत्त्व म्हणजे काकासाहेब हे असून कोणतेही राजकीय सामाजिक अथवा आर्थिक पाठबळ नसतांना राष्ट्रीय पक्ष्याचे उपाध्यक्ष पदी उल्लेखनीय असे कार्य करणारे काकासाहेब यांनी नेहमी आपल्या आयुष्यात राजकारणापेक्षा समाजकारणाला अधिक महत्त्व देत वयाच्या ७५ व्या वर्षी देखील तरुणाला लाजवतील इतक्या उत्साहाने समाजासाठी काही तरी चांगले करण्याची धडपड नेहमी मनाशी बाळगून समाजात कार्य करत असतात त्याचमुळे राष्ट्रवादी काँग्रेस पक्षाच्या राज्य सरचिटणीस पदी त्यांची झालेली निवड ही अतिशय योग्य असून त्यांना मिळालेल्या या पदाचा उपयोग समाजातील दिन-दुबळ्या घटकांच्या उद्धारासाठी करत राष्ट्रवादी काँग्रेस पक्षाचे राष्ट्रीय अध्यक्ष शरद पवार यांनी ठेवलेला विश्वास काकासाहेब नक्कीच सार्थ करून दाखवतील असे प्रतिपादन साबळे यांनी करत काकासाहेब यांना भावी वाटचालीस शुभेच्छा दिल्या.
