कोपरगाव पोलिसांची मोठी कारवाई एक डझन मोटारी ताब्यात जेऊर कुंभारी ग्रामस्थांनी मानले पोलिस निरीक्षक वासुदेव देसले साहेब यांचे आभार !!
कोपरगाव प्रतिनिधी
कोपरगाव तालुक्यातील जेऊर कुंभारी या भागात विद्युत मोटर चोरांचा सुळसुळाट सुरू झाला होता आजपर्यंत या भागातील किमान अर्धा डझन विद्युत मोटारी चोरीला गेल्याने शेतकऱ्यांमध्ये भीतीचे वातावरण पसरले होते दोन वर्षापासून जेऊर कुंभारी परीसरात भुरट्या चोरांनी उच्छाद मांडला होता.
जेऊर कुंभारी येथील रहीवासी पाटील बाबा वक्ते, शामराव वक्ते, सोपानराव वक्ते, लक्ष्मण वक्ते, किरण वक्ते, संजय वक्ते भानुदास वक्ते यांनी याबाबत शहरी पोलीस स्टेशनला अज्ञात चोरट्याविरुद्ध फिर्याद दाखल केली होती.
तसेच चांदेकसारे गावातील सामाजिक कार्यकर्त व जोगेश्वरी इंटरनॅशनल स्कूल चे सचिव सुनील होऊन विद्युत मोटारी चोरांचा बंदोबस्त करण्यात यावा अशी मागणी करण्यात आली होती.
त्या अनुषंगाने काल सायंकाळी
कोपरगाव तालुका पोलीस स्टेशनचे पोलीस निरीक्षक वासुदेव देसले यांच्या मार्गदर्शनाखाली राबविन्यात आलेल्या शोधमोहीमेत विद्युत मोटार चोरणाऱ्यांना पकडण्यात आले असुन त्यांच्याकडून दहा मोटरी ताब्यात घेण्यात आल्या आहेत.
त्यात जेऊर कुंभारी येथील शेतकऱ्यांच्या चार मोटारी असल्याचे समजते आहे.
या कामगीरीबद्दल पोलीस पाटील बाळासाहेब गायकवाड,भानुदास वक्ते,किरण वक्ते, संजय वक्ते,मधुकर वक्ते यांनी पोलिस निरीक्षक
वासुदेव देसले साहेब यांचा पुष्पगुच्छ देऊन सत्कार केला.
यावेळी भानुदास वक्ते म्हणाले की कोपरगाव तालुक्यातील गुन्हेगारांना रोखण्याचे काम पोलिस निरीक्षक वासुदेव देसले साहेब हे चांगल्या पद्धतीने करत आहे.अशा कर्तव्यदक्ष पोलीस निरीक्षकाची कोपरगावला खरी गरज असल्याचे त्यांनी यावेळी सांगितले.
