कोपरगाव प्रतिनिधी
समता पतसंस्थेने सोनेतारण कर्जाच्या माध्यमातून ठेविदर व कर्जदारांची विश्वसाहर्ता जपली असून सोनेतारण कर्ज हे सुरक्षित कर्ज असल्याने बुडण्याचा धोका संभवत नाही त्यामुळे कर्जदारांना अधिकाधिक कर्ज देता येते तसेच समता ही नेहमीच विविध योजना आणि उपक्रमांच्या माध्यमातून ग्रामीण भागातील सभासदांपर्यंत पोहचली असून अधिकाधिक सभासदांशी सुसंवाद करता यावा यासाठी पतसंस्थेत सुसंवाद कक्ष असणे ही कौतुकास्पद बाब असून ११०० कोटी रुपयांचा संमिश्र व्यवसाय करणारी पतसंस्था म्हणून महाराष्ट्राला परिचित आहे.असे प्रतिपादन २४ ऑक्टोबर २०२१ रोजी कोपरगाव तालुक्याचे आमदार मा.श्री.आशुतोष काळे यांनी समता नागरी सहकारी पतसंस्थेच्या नूतन सोनेतारण कक्ष व सुसंवाद कक्ष (कस्टमर केयर) चे उद्घाटना प्रसंगी केले.प्रसंगी समता नागरी सहकारी पतसंस्थेचे जेष्ठ संचालक श्री जितुभाई शहा म्हणाले की, समताने कर्जदारांना आधुनिक तंत्रज्ञानाच्या माध्यमातून ग्राहकांना अतितत्पर सेवा देऊन गतिमान पद्धतीने सुरक्षित सोनेतारण कर्ज वाटप पद्धतीचा अवलंब केला आहे.विशेषतः कोरोना काळात समताच्या १०,००० हजाराच्यावर सोनेतारण कर्जदारांनी सय सोनेतारण कर्ज वाटप पध्दतीचा फायदा घेतला आहे. समताची ग्राहक संख्या या पध्दतीमुळे दिवसेंदिवस वाढत असून अति वेगवान आणि जास्तीत जास्त कर्ज देण्यामुळे समताचे अधिकाधिक कर्जदार वाढत आहे तसेच सर्व सामान्य नागरिक,ग्राहक यांनी खाजगी कंपन्यांच्या फसवे व्याजदर आणि जाहिरातींना बळी न पडता सुरक्षित सोनेतारण कर्जासाठी समताचे मुख्य कार्यालय आणि संस्थेच्या शाखांशी संपर्क करावा.समता पतसंस्था आधुनिक तंत्रज्ञानाच्या माध्यमातून विविध सुविधांबरोबरच सोनेतारण कर्जाची सेवा देण्यासाठी सज्ज आहे.उद्घाटनाप्रसंगी उद्घाटक आणि प्रमुख पाहुणे म्हणून कोपरगाव तालुक्याचे आमदार मा.श्री आशुतोष काळे याची प्रमुख उपस्थिती होती. संस्थेचे चेअरमन ओमप्रकाश दादाप्पा तथा काका कोयटे,संचालक सर्वश्री जितुभाई शहा, अरविंदजी पटेल , गुलशन होडे, जनरल मॅनेजर श्री सचिन भट्टड, मुख्य कार्यालय आणि कोपरगाव शाखेचे सर्व अधिकारी, कर्मचारी,हितचिंतक उपस्थित होते.
