कोपरगाव प्रतिनिधी
कोरोना महामारीत सर्वांचीच आर्थिक परिस्थीती खालावली आहे; दिवाळसण उंबरठयावर आहे, याही परिस्थीतीत कोपरगांव शहर व मतदासंघवासिय दिवाळीसाठी नैमित्तीक खरेदी करणार आहे, ती येथील छोट्यामोठ्या व्यापाऱ्याकडूनच खरेदी करावी, ऑनलाईनचा मोह टाळावा, जेणेकरून आपल्याच बांधवांना त्याचा अप्रत्यक्षरित्या फायदा होणार आहे तेव्हा मतदारसंघातील रहिवासियांनी स्थानिक व्यापारी खरेदीला प्रथम पसंती देऊन तालुक्यातच आर्थिक उलाढाल करावी व येथील थांबलेल्या अर्थकारणाला काही अंशी अप्रत्यक्ष्यरित्या मदतीचा हात पुढे करावा असे आवाहन भाजपाच्या प्रदेश सचिव स्नेहलता कोल्हे यांनी केले आहे.त्या म्हणाल्या की, कोपरगाव शहर व तालुक्यातील व्यावसायिकांनी तसेच महिला बचत गटांनी, विविध सामाजिक संस्थानी कोरोनातून हळू पुर्वपदावर येणांच्या अर्थव्यवस्थेला हातभार लागावा म्हणुन तसेच काहींनी व्यवसायाचे स्वरूप बदलून दिवाळसणानिमीत्ल विविध वस्तु बाजारात विक्रीसाठी उपलब्ध करून दिल्या आहेत.आपले आर्थिक चलन वलन आपल्याच मतदारसंघात फिरावे या उद्देशाने नागरिकांनी स्थानिक व्यावसायिक- व्यापारी खरेदीला पसंती द्यावी जेणे करून त्याचा लाभ आपल्याच माणसांना होणार आहे. ऑनलाईन खरेदीत अनेकवेळा फसगत झाल्याच्या तक्रारी कानावर येत आहे. कोरोना महामारीत आपण प्रत्येक जण अडचणीत सापडलो होतो. येथे पारंपारिक शेती व्यवसाय करून चरितार्थ चालविणांरा वर्ग मोठा आहे, तेव्हा त्यांनी व गरजुंनी अन्यत्र खरेदीला पसंती न देता स्थानिक खरेदीला प्राधान्य द्यावे, जे कुणी अन्य खरेदीचा मार्ग दाखवतील तो न स्विकारता आपण आपल्याच व्यक्तींना प्राधान्य द्यावे म्हणजे त्यातून येथील अर्थकारण सुधारण्यास एकप्रकारे मदत होईल असेही सौ. कोल्हे शेवटी म्हणाल्या.
