कोपरगाव प्रतिनिधी
कोरोनाची संभावित येणारी तिसरी लाट रोखण्यासाठी लसीकरण हाच एकमेव पर्याय आहे ही गोष्ट सर्वांनी मान्य केल्याने केंद्रासह सर्वच राज्य सरकारांनी त्यांच्या अंतर्गत येणाऱ्या संपूर्ण लोकसंख्येचे १००% लसीकरण करण्यास प्राधान्य दिले आहे.
त्यालाच अनुसरून पोहेगाव प्राथमिक आरोग्य केंद्राकडून त्यांच्या अंतर्गत येणाऱ्या सर्व लोकसंख्येचे लवकरात लवकर १००% लसीकरण व्हावे या दृष्टिकोनातून वैद्यकीय अधिकारी डॉक्टर नितीन बडदे यांच्या मार्गदर्शनाखाली उपकेंद्र तेथे लसीकरण, गाव तेथे लसीकरण अशा वेगवेगळ्या संकल्पना राबवाण्यात आल्या त्याला संबंधित ग्रामस्थांचा उदंड प्रतिसाद मिळाला.
पहिल्या डोसचे लसीकरण पूर्णत्वाच्या मार्गावर असताना राहीलेल्या लाभार्थ्यांसाठी लाभार्थी तेथे लसीकरण ही संकल्पना राबवण्याचे ठरले.
त्यानुसार आज रोजी डाऊच( बुद्रुक) येथे लसीकरणापासून वंचित असलेल्या लाभार्थ्यांची यादी तयार करून प्रत्यक्ष घरोघरी, वस्तीवर, शेतात जाऊन लाभार्थ्यांचे लसीकरण करण्यात आले त्यासाठी आज रोजी डाऊच बुद्रुक अंतर्गत येणाऱ्या दहे वस्ती कांदळकर वस्ती ,होन वस्ती ,हिंगणी रोड, देर्डे रोड,बढे वस्ती, कुरण परिसर ,गावठाण परीसर येथे प्रत्यक्ष लाभार्थ्यांच्या घरी जाऊन त्यांचे लसीकरण करण्यात आले.
लसीकरण मोहीमेतील सर्वात रोमहर्षक अनुभव आज अनुभवायला मिळाला कुरण परिसरात राहणारे ०३ लाभार्थी गोदावरी नदीतील पाण्यावरुन २०० फूट अंतर पार करत आमच्यापर्यंत पोहोचले ०३ लाभार्थ्यांना लस देण्यासाठी आम्हाला ०३ तास लागले परंतु आम्ही त्यांना लस देण्याचा संकल्प पूर्ण केला केला.
सकाळी ०८.३० वाजता सुरू झालेली लसीकरण मोहीम संध्याकाळी ६.३० वाजेपर्यंत सुरू होती. यादरम्यान आज रोजी एकूण ११० लाभार्थ्यांना लसीचे डोस उपलब्ध करून देण्यात आले. १२७६ लोकसंख्या असलेल्या डाऊच (बुद्रुक) मध्ये ८५० पात्र लाभार्थी होते संबंधित आशा सेविका यांनी केलेल्या सर्वेक्षणानुसार ७५० लाभार्थ्यांचा पहिला डोस काल अखेर पूर्ण झालेला होता.
गावचे १००% लसीकरण पूर्ण झाल्याचे कळताच संबंधित ग्रामस्थ, सरपंच यांनी आनंद व्यक्त केला व आरोग्य विभागाचे आभार मानले.
समवेत -आरोग्य सहाय्यक वाघ, आरोग्य सेविका गायकवाड ,आरोग्य सेवक जाधव व संबंधित आशा सेविका सविता गायकवाड संबंधित ग्रामसेवक सरपंच व ग्रामपंचायत कर्मचारी आदी .
