कोपरगाव प्रतिनिधी
कोपरगाव तालुक्यातील जेऊर कुंभारी चांदेकसारे या भागात वारंवार विद्युत मोटारी चोरी होत असून अशा भुरट्या चोरांना पोलिसांनी वेळीच पायबंद घालावी अशी मागणी सुनील होन यांनी केली आहे.
सविस्तर वृत्त असे की, तालुक्यातील जेऊर फाटा या ठिकाणी तीन महिन्यापूर्वी पाटील बाबा वक्ते, किरण वक्ते,
शामराव वक्ते,संजय वक्ते , यांच्या मोटारी चोरट्यांनी चोरी करून एक लाखाचे नुकसान केले होते. यासंदर्भात संजय शांतीलाल वक्ते यांनी शहर पोलीस स्टेशन या ठिकाणी अज्ञात चोरट्या विरूद्ध फिर्याद नोंदवली असून अद्यापही पोलीस प्रशासनाला चोरट्यांना पकडण्यात यश आले नाही.
चोरीचे प्रमाण हे वाढतच चालले आहे दोन दिवसा पुर्वी चांदेकसारे येथील विश्वनाथ होन यांच्या दोन मोटारी चोरी गेल्या आहे. असे जर वारंवार होत राहिले तर शेतकऱ्यांनी शेती कशी करायची असा प्रश्न निर्माण झाला आहे शेतकऱ्यांना अनेक समस्यांना तोंड द्यावे लागते नैसर्गिक आपत्ती महावितरणचा आभार नियम, विज बिल अशा अनेक समस्यांना शेतकऱ्यांना सामोरे जावे लागत असते या सर्व कष्टातून शेतकरी आपली शेती फुलत असतात पण गेल्या दोन वर्षांपासून जेऊर कुंभारी चांदेकसारे या भागात विद्युत मोटारी चोरी करणाऱ्या चोरट्यांचे प्रमाण वाढले आहेत. त्यामुळे तालुक्यातील ग्रामीण व शहरी पोलिसानी याकडे लक्ष घालवून भुरट्या चोरांचा बंदोबस्त करावा असे मत चांदेकसारे येथील जोगेश्वरी इंटरनॅशनल स्कूलचे सचिव सुनील होन यांनी व्यक्त केली.
