कोपरगाव प्रतिनिधी
शिक्षण महर्षी लहानूभाऊ नागरे स्थापीत रेनबो इंटरनॅशनल स्कूल मध्ये ‘स्वातंत्र्याचा सुवर्ण महोत्सव ‘ या योजनेतंर्गत विधी बालसंघर्ष व मुलांची काळजी या विषयावर मार्गदर्शन सत्र आयोजित करण्यात आले होते. या कार्यक्रमासाठी श्रीमती.एस. एन. सचदेव मॅडम (दिवाणी न्यायालय वरिष्ठ स्तर कोपरगाव ) या अध्यक्ष म्हणून लाभल्या होत्या. यांसह स्तर कोपरगाव व महिला उपाध्यक्ष श्रीमती. एस. एस. देशमुख मॅडम तसेच शीतल बलकवडे मॅडम, स्मिता जोशी मॅडम, शीतल तलवारे मॅडम व गवांदे सर हे विधिज्ञ /कायदेपंडित उपस्थित होते. यांसह लायन्स क्लब कोपरगावचे अध्यक्ष मा. श्री. राम थोरे, अक्षय गिरमे व तुषार घोडके या सदस्यांसह उपस्थित होते. शाळेतील इयत्ता आठवी व नववीच्या विद्यार्थ्यांनी या मार्गदर्शनाचा लाभ घेतला. उपस्थित सर्वच कायदेपंडितांनी बालहक्क व बाळगून्हेगारी या विषयावर सखोल मार्गदर्शन केले. सदर विषयावर विद्यार्थ्यांनी विचारलेल्या प्रश्नांना उत्तरे देऊन मार्गदर्शकांनी विद्यार्थ्यांचे शंका निरसन केले.अतिथिंना झाडाचे रोपटे व शिक्षण महर्षी लहानूभाऊ लिखित परिभ्रमण पुस्तकाचीएक -एक प्रत सन्मानार्थ देण्यात आली. शाळेकडून झालेल्या या सन्मानाने अतिथी भारावून गेले. कार्यक्रम यशस्वी होण्यासाठी शाळेचे प्रशासक श्री. सुरेश शिंदे सरांसह सर्व शिक्षक व शिक्षकेत्तर कर्मचाऱ्यांनी विशेष कष्ट घेतले. अशा या नावीन्यपूर्ण व ज्ञानवर्धक कार्यक्रमाचे सूत्रसंचालन सौं. वक्ते मॅडम यांनी केले तर शाळेचे उप -प्राचार्य सोमनाथ सोनवणे सरांनी आभार व्यक्त केले.कार्यक्रमाचे शिस्तबद्ध आयोजन व नियोजन पाहून शाळेचे कार्यकारी संचालक श्री. आकाश नागरे यांनी सर्वांचे अभिनंदन करत कौतुक केले.
