कोपरगाव प्रतिनिधी
जैन समाजाचे माजी पंच विशालशेठ बडजाते व सुयोगजी ठोळे यांची श्री अतिशय क्षेत्र कचनेरच्या कार्यकारणीवर निवड झाल्याबद्दल श्री साईबाबा संस्थानचे अध्यक्ष आमदार आशुतोष काळे यांनी त्यांचा सत्कार करून त्यांना शुभेच्छा दिल्या आहेत.
जैन समाजाचे पवित्र देवस्थान असलेल्या श्री अतिशय क्षेत्र कचनेरच्या कार्यकारणीवर कोपरगाव येथील जैन समाजाचे माजी पंच विशालशेठ बडजाते व सुयोगजी ठोळे यांची निवड झाली आहे. उतर भारतातील भगवान महावीर क्षेत्राच्या बरोबरीत असलेले हे श्री अतिशय क्षेत्र कचनेर दक्षिण भारतात प्रसिद्ध असून जैन समाजाचे महत्वाचे श्रद्धास्थान आहे. अशा महान तीर्थक्षेत्राच्या कार्यकारणीवर निवड झाली हे कोपरगावसाठी भूषणावह असल्याचे आ.आशुतोष काळे यांनी यावेळी सांगितले.
यावेळी महात्मा गांधी जिल्हा प्रदर्शन चॅरिटेबल ट्रस्टचे सचिव धरमचंद बागरेचा, नगरसेवक मंदारजी पहाडे आदी मान्यवर उपस्थित होते.
फोटो ओळ – श्री अतिशय क्षेत्र कचनेरच्या कार्यकारणीवर निवड झाल्याबद्दल माजी पंच विशालशेठ बडजाते व सुयोगजी ठोळे यांची निवड झाल्याबद्दल त्यांचा सत्कार करतांना आ. आशुतोष काळे समवेत धरमचंद बागरेचा, नगरसेवक मंदार पहाडे आदी.
