कोपरगाव प्रतिनिधी
नगरपालिका शाळा क्र.६ येथे उपशिक्षिका म्हणून कार्यरत असलेल्या श्रीम.सुनिता इंगळे यांना बालरक्षक प्रतिष्ठानचा “महात्मा गांधी राष्ट्रीय शिक्षक पुरस्कार ” शिक्षक आमदार ना.गो. गाणार यांच्या हस्ते देऊन सन्मानित करण्यात आले.
वर्धा येथील जय महाकाली शिक्षण संस्था येथे शानदार आयोजित कार्यक्रमात शिक्षक आमदार ना. गो. गाणार यांच्या हस्ते हा पुरस्कार प्रदान करण्यात आला.या प्रसंगी जय महाकाली शिक्षण संस्थेचे अध्यक्ष पंडित शंकरप्रसाद अग्निहोत्री प्रमुख अतिथी म्हणून उपस्थित होते.मंचावर
शिक्षण विभागाचे विज्ञान केंद्र राज्य संचालक मा. श्री रमतकर साहेब ,डायट नाशिक चे मा.प्राचार्य श्री सूर्यवंशी सर ,डायट वर्धा मा.प्राचार्य डॉ.मंगेश घोगरे सर उपस्थित होते.श्रीम.सुनिता इंगळे यांना हा पुरस्कार त्यांच्या शैक्षणिक, शिक्षा संस्कृती, मानवी मूल्यांचे जतन तसेच सातत्याने समाजासाठी सेवाभाव अर्पण करणे,तसेच समाज शिक्षित होण्यासाठी सातत्याने समाजकार्य , विद्यार्थी समुपदेशन व ऑनलाईन शिक्षणाच्या माध्यमातून समाजजागृती व शैक्षणिक जनजागृती या अशा विविध कार्यात त्यांचा वैशिष्ट्यपूर्ण सहभाग लक्षात घेता त्यांना” महात्मा गांधी आंतरराष्ट्रीय शिक्षक पुरस्कार ” या पुरस्काराने सन्मानित करण्यात आले आहे.बालरक्षक प्रतिष्ठान महाराष्ट्रातील एक सेवाभावी संस्था असून या संस्थेमार्फत शाळाबाह्य मुलांचा शोध घेऊन त्यांना शाळेत दाखल करण्याचे व अशा विद्यार्थ्यांसाठी राष्ट्रीय स्तरावर शैक्षणिक कार्यक्रम घेण्याचे कार्य करत आहे.तसेच दिव्यांग विद्यार्थ्यांना शैक्षणिक मदत व शैक्षणिक साहित्य पुरविण्याचे कार्य करत आहे.या संस्थेशी भारतातील २२ राज्याचे शिक्षक व विदेशातील शिक्षक व विद्यार्थी जोडले गेले असून भारतासह जागतिक स्तरावर ही संस्था कार्य करत आहे.बालरक्षक प्रतिष्ठानचे कार्याध्यक्ष मनोज चिंचोरे व सचिव श्रश वाघ व डॉ. राणी खेडीकर यांचे कुशल नेतृत्व बालरक्षक प्रतिष्ठानला लाभले असून शैक्षणिक कार्यात ते स्वतःला वाहून घेत शिक्षकांच्या रचनात्मक व शैक्षणिक कार्याला समजून घेत अशा शिक्षकांचा गौरव करत आहे.म. गांधी आंतरराष्ट्रीय शिक्षक पुरस्कार या प्रतिष्ठान मार्फत दिला जातो.जय महाकाली शिक्षण संस्थेत शानदार सोहळ्यात भारतातील ४० शिक्षकांना म .गांधी आंतरराष्ट्रीय शिक्षक पुरस्कार देऊन गौरव करण्यात आला.
