कोपरगाव प्रतिनिधी
करोना ची संभाव्य तिसरी लाट रोखण्यासाठी लसीकरण आवश्यक आहे असे मत कोपरगाव तालुक्यातील चांदेकसारे येथील माजी सभापती अनुसयाताई होन यांनी व्यक्त केले.करोना महामारीने जगावर अमानुष संकट उद्भवलेली आहे.अनेक महिने जग लोकडाऊन मध्ये होते सर्व व्यवहार ठप्प होते. या कोरोना साठी प्रभावी असे औषध नाही परंतु लसीकरण हाच एकमेव उपाय आहे तेव्हा चांदेकसारे, जेऊर कुंभारी, डाऊच खुर्द, घारी, या भागातील नागरीकांनी जास्तीत जास्त प्रमाणात लसीकरण करून घ्यावे व आपल्या कुटुंबाची काळजी घ्यावी असे आवाहन या वेळी होन यांनी केले आहे.तसेच प्रशासनाने सर्वत्र लसीकरण सुरू केले आहे शहरी वा ग्रामीण भागात टप्प्याटप्प्याने लसीकरण कॅम्प आयोजित केले जात आहे तेव्हा ग्रामीण भागातील लोकांनी लसीकरण करणाला उत्स्फूर्तपणे प्रतिसाद द्यावा.सद्यस्थितीत सणासुदीचे दिवस असल्याने बाजारात होणारी गर्दी तिसऱ्या लाटेची शक्यता याकरिता कोरोनाची तिसरी लाट आटोक्यात आणण्यासाठी नागरिकांनी १८ वयोगटावरील सर्व नागरिकांनी लसीकरण करणे आवश्यक आहे असे प्रतिपादन माजी सभापती अनुसयाताई होन यांनी व्यक्त केले.
