कोपरगाव प्रतिनिधी
वाढत्या कोरोनाचा पार्श्वभूमीवर शासनाने गेल्या दीड वर्षांपासून सर्व धर्मीय प्रार्थना स्थळे सामान्य भाविकांसाठी दर्शनाकरीता बंद करण्यात आली होती. परंतु आता कोरोनाचा प्रभाव काही अंशी कमी होत असल्याचे चित्र सध्या दिसत असल्याने शासनाने काही नियम व अटीच्या अधीन राहत राज्यभरातील सर्व धार्मिक स्थळे सामान्य भाविकांसाठी नवरात्र सणाचे औचित्य साधत पहिल्या माळेच्या दिवशी म्हणजेच गुरुवार दि ७ ऑक्टोबर २०२१ पासून दर्शनासाठी खुले करण्याचा निर्णय घेतला आहे.
याच पार्श्वभूमीवर जेऊर कुंभारी ग्रामपंचायतीच्या वतीने नवरात्र उत्साहाच्या तयारीची जुनी गंगा देवी मंदिर या ठिकाणी पाहणी करत आढावा घेतला. या प्रसंगी सरपंच सुवर्णा पवार, उपसरपंच जालिंदर चव्हाण, ग्रामपंचायत सदस्य यशवंत आव्हाड,प्रदिप गायकवाड, लकारे ताराचंद ,अनिता वक्ते, जाधव गंगुबाई,वैशाली भोंगळे, किशोर वक्ते,धनश्री वक्ते, अनिता गायकवाड,
ग्रामस्थ पोलिस पाटील बाळासाहेब गायकवाड, संजय वक्ते, संदेश भोंगळे,किरण आव्हाड, नामदेव वक्ते, करणा वक्ते, सतिश पवार आदींनी जुनी गंगा देवी मंदिर जेऊर कुंभारी हद्द या ठिकाणी पाहणी करत कोरोना नियम पाळत दर्शन घेतले जाईल याची मंदिर समिती सोबत चर्चा केली या प्रसंगी विलास नाईकवाडे जुनी गंगा देवस्थानचे अध्यक्ष यांनी सर्व नियोजनाची माहिती ग्रामपंचायत कमिटी ला सांगितली.
