कोपरगाव प्रतिनिधी
सध्या कोरोनावर उपचार घेत असलेल्या आ. आशुतोष काळे यांनी जबाबदारीला प्राधान्य देवून नुकतीच पंचायत समिती पदाधिकारी व अधिकाऱ्यांची ऑनलाईन पद्धतीने बैठक घेत त्यांच्याशी संवाद साधत विविध विषयांवर संवाद साधून मार्गदर्शन केले. या ऑनलाईन बैठकीवेळी सभापती सौ. पौर्णिमा जगधने, उपसभापती अर्जुनराव काळे, कारभारी आगवण, गटविकास अधिकारी सचिन सुर्यवंशी, तालुका आरोग्य अधिकारी डॉ. विलास घोलप, उपअभियंता उत्तमराव पवार, शिक्षणाधिकारी शबाना शेख आदी उपस्थित होते.यावेळी मार्गदर्शन करतांना आ. आशुतोष काळे म्हणाले की, राष्ट्रपिता महात्मा गांधी यांच्या जयंतीनिमित्त ग्रामपंचायतीमार्फत तालुक्यातील सर्व गावांमध्ये स्वच्छता सप्ताह राबवा. ४ ऑक्टोबर पासून शाळा सुरू करण्याचा निर्णय घेतला असून त्या पार्श्वभूमीवर पाचवी ते बारावी व आठवी ते बारावीच्या वर्गांचा आढावा घ्यावा. शुक्रवार (दि.०१)रोजी दहेगाव बोलका येथे अंगावर वीज पडून ११ वर्षीय विद्यार्थ्याचा दुर्दैवी मृत्यु झाला आहे. या विद्यार्थ्याचा विमा प्रस्ताव तातडीने तयार करून संबंधित विभागाकडे पाठवा. मागील काही दिवसांपासून सर्वत्र मोठ्या प्रमाणावर अतिवृष्टी झाली होत असून या अतिवृष्टीमुळे जिल्हा परिषद अंतर्गत दुरुस्ती केलेल्या रस्त्यांचे नुकसान झाले आहे. या सर्व रस्त्यांची पाहणी करून देखभाल कालावधी कराराप्रमाणे सदर रस्त्यांची संबंधितांकडून ठेकेदाराकडून दुरुस्ती करून घ्यावी अशा अनेक सूचना आमदार आशुतोष काळे यांनी यावेळी ऑनलाईन बैठकीत सहभागी झालेल्या पंचायत समिती पदाधिकारी व अधिकाऱ्यांना दिल्या. आ. आशुतोष काळे यांनी घेतलेल्या ऑनलाईन बैठकीत सहभागी झालेले पंचायत समिती पदाधिकारी व अधिकारी.
