मधुकर वक्ते कोपरगाव प्रतिनिधी
न.पा.शाळा क्र.६ शाळेत " राष्ट्रीय पोषण माह " विविध उपक्रमांनी साजरा झाला. शासनाने सप्टेंबर हा महिना 'पोषण माह' म्हणून घोषित केला आहे. त्या अंतर्गत विविध उपक्रम राबविले जातात. आपल्या देशासमोर सध्या बालकांचे कुपोषण ही एक मोठी समस्या आहे. म्हणूनच बालकांचे आरोग्य चांगले रहावे, त्यांना योग्य ते पोषण मिळावे म्हणूनच हे अभियान शासनाने सुरु केले आहे. त्या अंतर्गत नगरपालिका शाळा क्र.६ या शाळेत विविध उपक्रम राबविले गेले. शाळेतील माता पालकांची भेट घेऊन त्यांना आहारबाबत मार्गदर्शन केले. आहारात जीवनसत्वे, प्रथिने, स्नीग्ध पदार्थ, कर्बोदके यांचे किती महत्व आहे याबाबत मार्गदर्शन केले. तसेच बालकांच्या आहाराविषयीं उपयुक्त माहिती माता पालकांना देण्यात आली.तसेच विद्यार्थ्यांना ऑनलाईन पद्धतीने पोषण आहाराचे महत्व पटवून दिले. डाळी, कडधान्य, फळे, दूध, अंडी तसेच हिरव्या पालेभाज्या हे घटक आहारात खूप महत्वाचे आहेत हे सांगितले. विद्यार्थ्यांनी ह्या सर्व घटकांचा कल्पकतेने वापर करून सुंदर व आकर्षक सजावट केली. प्रत्येक घटकाचे आहारातील महत्व देखील सांगण्याचा छान प्रयत्न केला. या उपक्रमात पालकांनीही महत्वाची भूमिका बजावली आणि उस्फुर्त सहभाग घेतला.तसेच शाळेत कोरोनाचे नियम पाळून शालेय पोषण माह निमित्त पोस्टर प्रदर्शन,घोषवाक्य स्पर्धा ,रांगोळी स्पर्धा आॕनलाईन व आॕफलाईन दोन्ही पद्धतीने घेण्यात आली.या उपक्रमात शाळेचे मुख्याध्यापक श्री. भरत आगळे सर आणि सौ.सविता साळुंके,सौ.कल्पना निंबाळकर मॅडम ,श्री.अरुण पगारे,श्रीम.आरती कोरडकर ,श्रीम.इंगळे सुनिता,शालेय व्यवस्थापन समिती अध्यक्षा सौ.अर्चना वाहुळकर ,पालक उपस्थित होते. यांनी मार्गदर्शन केले.शालेय व्यवस्थापन हामिती अध्यक्ष व सदस्यांनी या उपक्रमाचे यांनी या उपक्रमाबाबत सर्व विदयार्थी व पालकांचे कौतुक केले.
