कोपरगाव प्रतिनिधी.
समृध्दी महामार्गाचे काम करणाऱ्या गायत्री प्रायव्हेट लिमिटेड या कंपनीकडुन चांदेकसारे ते झगडेफाटा या दरम्यानच्या रस्त्यावरील खड्डे बुजविण्याचे काम सुरू झाले आहे.
मागील काही वर्षापासुन या रस्त्याची दुर्दशा झाली होती रस्त्यावर मोठे खड्डे झाल्याने अपघाताच्या प्रमाणात वाढ झाली होती चालकांना गाडी चालवणे कठीण झाले होते दुचाकीस्वारांना गाडी चालवताना तारेवची कसरत करावी लागत होती प्रसंगी अपघातात होऊन अवयवांची मोडतोड झाल्याने गंभीर दुखापत झाल्याच्या घटना घडल्या आहेत.या अनुषंगाने माजी सरपंच केशवराव होन यांचे मार्गदर्शनाखाली चांदेकसारे ग्रामपंचायतीने समृध्दी महामार्गाचे काम करणाऱ्या गायत्री कंपनीला सदर रस्त्याचे खड्डे बुजविण्याची मागणी केली ती मान्य करत कंपनीने युध्दपातळीवर कामाला सुरूवात केली आहे.चांदेकसारे गावा जवळुन संमृद्धी महामार्ग जात असुन इतर वहानांबरोबर महामार्गाच्या कामासाठी वापरण्यात येणाऱ्या अवडजड वहानांमुळे सदर रस्त्याची दुर्दशा झाल्याचे नागरीकांचे म्हणणे आहे.
ग्रामपंचायतीच्या वतीने माजी सरपंच केशवराव होन,सरपंच सुनिता खरात, उपसरपंच विजय होन,सर्व ग्रामपंचायत सदस्य तसेच ग्रामस्थांनी कंपनीचे आभार मानले आहे.
