कोपरगाव प्रतिनिधी
कोपरगाव युवक काँग्रेसचे शहराध्यक्ष अक्षय आंग्रे यांनी आपल्या पदाचा व सदस्य पदाचा राजीनामा प्रदेशाध्यक्ष, युवक काँग्रेस
महाराष्ट्र प्रदेश सत्यजित तांबे यांना पाठविला आहे.या राजीनामा पत्रात आंग्रे यांनी म्हटले आहे की,मी गेल्या अनेक वर्षांपासून भारतीय राष्ट्रीय काँग्रेस पक्षाचा सक्रिय कार्यकर्ता म्हणुन कार्यरत होतो. माझ्याकडे पक्षाची कोपरगांव युवक काँग्रेस शहराध्यक्ष पदाची जबाबदारी होती. मी नेहमी पक्षासाठी आंदोलन असेल मोर्चे असेल गरज असेल त्या वेळी मी माझे सहकारी घेऊन हजर राहिलो. पक्षाच्या पडतीच्या काळात लोकं काँग्रेस पक्षाचे काम करण्याचे धाडस करत नव्हते अशा वेळी मी पक्षवाढी साठी युवकांचे संघटन केले व कोपरगांवात पक्ष वाढविण्यात मोलाचा वाटा उचलला.परंतु ज्यावेळी बाहेरून मोठमोठी नेते मंडळी येते त्यावेळेस त्यांच्यासमोर शहरातील विशिष्ट कार्यकर्त्याला स्वता:ची प्रतिष्ठा वाढविण्यासाठी गर्दीची आवश्यकता असते फक्त आणि फक्त अशा वेळी गर्दी जमविण्यासाठीच शहरातील या कार्यकर्त्यास माझी आठवण येते व कोपरगांव राष्ट्रीय काँग्रेसच्या कोणत्याही निर्णय प्रक्रियेत मला विश्वासात घेतले जात नाही याची खुप खंत वाटते. म्हणुन आज दिनांक २६ सप्टेंबर २०२१ रोजी मी माझ्या कोपरगांव युवक काँग्रेस शहराध्यक्ष पदाचा व पक्ष सदस्यत्वाचा राजीनामा देत आहे. तरी माझा राजीनाम्याचा स्विकार करावा असे पत्र अक्षय आंग्रे यांनी तांबे यांना पाठविलेल्या राजीनामा पत्रात म्हंटले आहे.
