दि २३ सप्टेंबर कोपरगाव तालुका भाजपा युवा मोर्चाचे उपाध्यक्ष व शिव सूत्र युवा प्रतिष्ठान चे अध्यक्ष कोपरगाव तालुका अध्यक्ष सुधाकर भाऊ वक्ते यांचा वाढदिवस त्यानिमित्ताने त्यांच्या विषयी थोडक्यात
सुधाकर भाऊ वक्ते यांचा जन्म जेऊर कुंभारी येथील शेतकरी कुटुंबात झाला.लहानपणापासून संघटन कौशल्य असणारे सुधा भाऊ यांनी शिक्षण आटोपल्यानंतर सामाजिक कार्यात युवकांचे स्थान व महत्व या बाबींचा अभ्यास करून यात आपला सहभाग नोंदवू शकतो या जाणिवेणे शिवसूत्र युवा प्रतिष्ठान या सामाजिक संघटनेच्या माध्यमातून सामाजिक कार्यात स्वतःला झोकून दिले.
सुधाभाऊ यांनी सर्व धर्माचे सुशिक्षित तरुण एकत्र करून ११जुलै २०१४ मध्ये शिवसूत्र युवा प्रतिष्ठान नावाची संघटना स्थापन केली व सामाजिक विकासाच्या दृष्टीने वाटचाल सुरू केली १९जुलै २०१४रोजी या संघटनेच्या माध्यमातून जेऊरकुंभारी ग्रामसभेत गाव तळ्याचा प्रश्न मांडुन त्या ठरावाला मंजुरी घेण्याचे काम केले त्यानंतर मागे वळून पाहता त्यांनी पुढे शाळेतील गरीब विद्यार्थी दत्तक घेणे, वृक्षारोपण व वृक्ष संवर्धन संदर्भात जनजागृती करणे नवोदित खेळाडूंना प्रोत्साहन म्हणून क्रीडा स्पर्धा भरविणे रक्तदान शिबिरे आयोजित करणे सर्व महापुरुषांच्या जयंती व पुण्यतीथी साजरीकरणे तसेच गावातील मंदिरे व धार्मिक स्थळे यांची स्वच्छता करणे, याबरोबरच गोरगरिबांच्या कार्यामध्ये श्रमदान करणे,गावातील प्रश्नांना गाव व तालुकास्तरावर वाचा फोडणे यासारखे अनेक सामाजिक उपक्रम राबविले.
त्यांच्या या कार्याने प्रभावित होऊन संघटनेच्या माध्यमातुन सुधा भाऊ करीत असलेले काम युवकांना निश्चितच प्रेरणादायी असल्याचे गौरवउद्गार हिरवे बाजार चे सरपंच पोपटराव पवार यांनी काढले होते.
संजीवनी युवा प्रतिष्ठानचे अध्यक्ष व जिल्हा बँकेचे संचालक युवा नेते विवेक भैय्या कोल्हे यांनी त्यांच्या कामाची दखल घेत नुकतीच कोपरगाव तालुका भारतीय जनता पार्टी युवा मोर्चाच्या उपाध्यक्ष पदी नियुक्ती करून एक महत्त्वाची जबाबदारी त्यांच्यावर सोपवली आहे.
या संघटनेच्या माध्यमातून पक्ष बळकटीकरण,पक्षाच्या अजेंडयानुसार सुरू असलेल्या उपक्रमाची अंमलबजावणी करणे यासारखी महत्त्वाची जबाबदारी सुधा भाऊ यांनी आपल्या खांदयावर घेतली असुन ती जबाबदारी ते चोख पार पडतील यात शंका नाही..
शांत स्वभाव व मितभाषी भविष्यात असलेल्या सुधा भाऊ वक्ते यांच्या कडून सामाजिक विकासाची कामाला हातभार लागावा अशी ईश्वरचरणी प्रार्थना करून त्यांना वाढदिवसाच्या शुभेच्छा देऊ.
